اي هي حكاية شعبان بتاع السمك ؟

 هل أرض زيكولا حقيقية؟

 

كتبت-خلود أحمد

 

 

أحياناً بيكون عندنا طاقة صبر رهيبة ومختلفة، بس إنك تحب شخص وتترفض عشان أنت مش شخصية خارقة دي بقى ممكن تموت كل روح الصبر اللي جواك، أهي دي كانت قصة "خالد" بطل رواية " أرض زيكولا" .

 

 

عمرو عبد الحميد خلى شخصية خالد شخصية مختلفة ف صبرها وف محاولتها أنها تثبت إنك عشان تكون خارق لازم تقتنع إنك تقدر تعمل وتعدي بحاجات كتير ومختلفة وصعبة ف نفس الوقت.

 

 

حكايتنا بدأت بوالد" منى" وهو بيرفض خالد للمره الثامنة، عشان عايز بنته تتجوز شخص خارق، خالد وقتها قرر إنه  هيكون شخص مختلف المرادي، وقتها كان عندهم ف محافظته مكان مشهور اسمه " سرداب فوريك" السرداب ده كان دايماً ليسمع عنه من جده اللي كان بيحب المغامرة وهو لسه شباب بقى ونزل قبل كدا السرداب ده.

 

 

وعشان كدا خالد كان عايز يعرف السرداب ده نهايته ايه ولفين بالظبط، طبعاً قبل ما ينزل السرداب عرف إن ابوه وامه نزلوا السرداب ومن وقتها محدش قدر يعرف عنهم أي حاجة وكان هو وقتها صغير جداً عشان كدا مقدرتش ياخدوه معاهم.

 

 

 

صمم على قراره إنه ينزل السرداب يعرف ليه أهله مرجعوش تاني، استنى لما القمر يكتمل وقتها السرداب بيكون منور ويقدر إنه ينزل فيه، وفعلاً نزل السرداب واتعرضت بحاجات كتير، وشاف هياكل ناس موجودة، وفجأة لقى نفسه بيقع وقتها.

 

 

 

طبعاً وصل البطل لأرض زيكولا مركز التعامل بوحدات الذكاء والمكان الموحد لإعدام كل فقير مفتقر وحدات الذكاء بتاعته، بدأ يقابل ناس ويفهم طريقتهم ومعاملتهم لحد ما قابل كذا شخص" إياد، ويامن، وأسيل".

يامن: صديق خالد الجديد اللي قدر يتعرف عليه من خلال الفترة اللي قضاها وقدر يامن إنه يساعد خالد ف إنه  يرجع بلده وانه يوصل لبابا ومامته اللي عرف أنهم كانوا موجودين ف أرض زيكولا.

 

أسيل  أو طبيبة زيكولا اللي كانت اكتر حد بيساعد خالد عشان يوصل لأهله ويرجع بيهم بلده، وكان طبعاً بتحب خالد اللي كانت بتصنفه الأول أنه شخص غريب، كانت دايماً مركز تجمعها معاه هو البحيرة.

 

 

أما بقى خالد لما وصل أرض زيكولا وعرف يكون فيها صحاب قرر إنه هيشتغل ويدور على أهله ويرجع بيهم بلده وقدر يوصلهم فعلاً بس عرف أن باباه ومامته ماتوا وقالوا أخوه اللي ساكن ف نفس بيت أهله واللي كان اكتر حد قاسي ف معاملته مع خالد واعتبره إنه مش أخوه ومجرد شخص عايز ياخد فلوسه.

 

 

خالد كان حابب يفضل عشان خاطر الناس اللي بيحبهم، بس عرف أسيل أن حتى لو رجع هتفضل هي النجم اللي ف السما، والنجم اللي هيفضل متابعه حتى لو رجع بلده هتفضل السما مخلية النجم ده عشان يفتكر دايماً أسيل.

 

 

بس طبعاً مش دايماً كل حاجة بتفضل خالد حاول يرجع بلده بس نسى إن العيد اللي بيتعدم فيه أفقر شخص في زيكولا اتقدم، وطبعاً عشان زوجة ملك أرض زيكولا جابت الحاكم القادم للبلد، ف لحظة تتحكم على خالد لانه كان من ضمن أفقر ٣ أشخاص ف زيكولا، بس أسيل قررت إنها تدافع عن حبها وتحميه وتخسر مكانتها وشغلها ف زيكولا، قررت تديه "قبلة النجاة"، وقدر خالد إنه يخرج من زيكولا ويرجع ينزل السرداب ويرجع  لبلده.