في الثواني الأخيرة.. معلول ينقذ الأهلي ويصعد به لنصف نهائي كأس مصر

 ويجز من حواري اسكندرية  إلي تراك حواري ثم العالمية

كتب : حسن الشحات حسن 

هتكلم عن شاب زيي وزي أي شاب في حياتنا كان شايف نفسه موهوب،  الفرق بينه وبين كتير من الشباب انه صدق نجاحه وكمل مشوار حلمه  ما أحبطوش كلام اول شخص قال عليه لا يصلح للغناء الشاب ده اسمه احمد علي أو كما هو معروف ب " ويجز" 

ويجز عنده 25 سنه الشاب خريج الجامعة الأمريكية بالقاهرة إنما لم يكن  مثل  كثير من ما نسمع عن طلاب الجامعة الامريكية انهم أولاد الأغنياء ويسكنون الفلل والقصور ويجز شاب من اسكندرية عاش وكبر في منطقة الورديان وهي منطقة شعبية ليست من المناطق الراقية في الاسكندريه، لكن اصل عائلة ويجز من الأقصر، القصد  أن ويجز لم يولد وفي فمه  معلقه من ذهب لكن تعب وسعي، ويجز من زمان بيكتب زي اي شاب بيحب وشغوف بالكتابة،خصوصا مرحلة شبابه العاشها في  الاسكندريه قدامه بحر وصخور ورمال، ويجز كان بيقول انه كان يفصل عن صحابة بوقت بسيط يقعد فيه علي البحر يكتب

 ويجز لما اتخرج من الجامعة الأمريكية عمل في شركة اتصالات، بعد فترة ويجز  ساب الشغل وهنا نقدر نقول ملقاش نفسه فيها طب وبعدها الحياه هتقف؟ لا ويجز عمل الحاجه اللي طول عمره شغوف بها ويجز بقي متفرغ لحلمه، ويجز بيعمل الحاجه اللي صدق نفسه فيها عمل أول تراك له كان اسمه " بطلو فيك " مفشلش بس منجحش بعديها عمل تراك مازال نقطة لامعة في بحر اغاني ويجز وهو تراك  TNT  هنا ابتدا ويجز يتسمع اكتر ويتعرف اكثر وبعدها تراكات مثل تراك ساليني الذي يعتبر طفرة في الراب السين كله وتراك حواري اللي قلناه في العنوان وتراك باربيكيو أيضا كان في بدايات ويجز،بعدها دخل ويجز في عدة أعمال بالتعاون مع الرابر الصاعد بقوة وقتها " داما" اللي هو " مروان بابلو " الرابر الشهير حاليا تعاونوا في عدة تراكات أبرزها دايره علي المصلحه 2019

سنة 2020 دي بقى  كانت تعتبر سنة دخول ويجز العالمية بتراك دورك جاي الذي سجل على قناته عبر اليوتيوب حتى الأن  104 مليون مشاهدة وأصبح المغني المصري الأكثر استماعا عبر سبوتيفاي عام 2020 و 2021 م في انجاز كبير كشاب 

وفي عام 2021 شهدت دخول ويجز تجربه جديده وهي عالم التمثيل حيث شارك في مسلسل بيمبو من إخراج عمرو سلامة ، ويشارك في تمثيله احمد مالك وهدي المفتي، أصبح ويجز يسيطر علي سمع الشباب خاصة وصدر منه  عدة تراكات منها الزار ، ومش فير ، بالسلامه ، بعوده يا بلادي والتي سجلت حتى الآن 22 مليون مشاهده وعام 2022 شهد انجح اغنية علي تويتر بالنسبة للمشاهدات البخت بتحقيقها 173 مليون مشاهده تم وضع ويجز في مجلة فوربس الشرق الأوسط ، والذي كانت تضم مشاهير نجوم الموسم العرب وضمت ويجز أيضا مجلة "جي كيو" الأمريكية  قائمتها لأكثر من 21 موسيقي شاب ، آثاره على كوكب الارض في 2021, والان الجميع يناهض تذاكر اي حفله يتواجد فيها العالمي ويجز.