اي هي حكاية شعبان بتاع السمك ؟

  ليه بنحب غادة عبد الرازق ؟

كتبت_نور إيهاب:

مين كان يصدق أن نعمة الله تبقا زهرة وأزواجها الخمسة،الأستاذة"غادة عبدالرازق"من زمان اوي وهي ال يدوسلها على طرف تشتغله في الأزرق من أيام الحاج متولي مكان عاوز يتجوز سميرة أو امها فوزية،بس في الأخر اتجوز اولفت ماعلينا كدا كدا مكنش ليه تموين .

  غدغودة عملت أدوار كتير أوي ومنقدرش نقول أنها حاصرة نفسها في دور معين،اشتهرت أخر فترة بقوة ردودها في برامج التوك شو وبقيت مثال للست الأسترونج اندبندت ومان بصحيح،كوين الموف أون الراجل ال بيعجبها بتتجوزه على سنة الله ورسوله يعني غلبت ماني منيب مدوباهم ١٠ مش بس اتنين،ومحدش سمعلها حس  .

وكمان ال بيميزها انها صريحة تعمل الغلط وتعترف بيه يعني مش بتتلون ورا كل ساتر شوية،وفي مرة مخرج ضايقها جابتله ناس تعرفه مقامه وطلعت بعدها في برنامج على التلفزيون والمخرج دا عمل مداخلة وفضل يتشال ويتحط وهي محافظة على ابتسامتها وبكل جبروت بتبينله "لو جدع اثبت"، قدرت تعمل الست المثقفة والدكتورة والمحامية والمظلومة والغلبانة والممرضة والغنية والفقيرة والجاهلة وفي أخر لقاء ليها سألها المذيع سؤال لو ينفع يعني تقدم دور في فيلم وتكون لابسة فيه مايو للبحر ،فردت وقالت أنها مينفعش تعمل ادوار زي دي تاني احترامًا لسنها يعني وأن في ناس كتير تانية صغيرة تقدر تعمل الدور دا.

كمان مش بتتكسف تقول أنها بتتعالج نفسيًا لانها بتعترف أن المرض نفسي مرض زيه زي أي مرض في الدنيا ،وفي نهاية المقال بنقول كل الدعم يا أستاذة غادة يا صاحبة مسلسل الباطنية وحكاية مرة والخانكة والكابوس ومع سبق الأصرار واللهم زيد وبارك يعني .