مناقشة كتاب فن اللامبالاه
كتاب فن الامبالاه كتبت رؤية وائل بالرغم من أن بوكوفسكي كان بيموت في حوالي 10 صفحات تقريبا، وفي الاخر ممتش.
بس لو ركزت على النقاط المهمة اللي بيقدمها لك مارك مانسون في الكتاب ده هتعيش حياه افضل بكتير، وانا جايه النهارده اقول لك على النقط دي، يلا بينا نعرف ايه اللي وراء الكتاب ده…
فكك من انك اول ما تفتح الكتاب هتلاقى فى وشك "لا تحاول" وأنها الجمله اللي اتكتبت على قبره، طب وهي كانت ايه تفاصيل حياته عشان يُكتب على قبره كده؟!
كان مجرد انسان بيكافح عشان يوصل للي عايزه ومبيستسلمش ابدا، لا وفي الاخر يحقق احلام مجنونه.دلوقتي كل واحد هيبص للتاني ويقوله شفت ده مستسلمش واقف قدام كل العقبات وخلى نفسه حاجه مهمه.بس ثانيه ازاي كتب على قبره لا تحاول؟!
بالرغم من مبيعات كتبه وشهرته، كان بوكوفسكي فاشلا وهو كان عارف ده، ولكن ما كانش نجاحه من تصميمه على الفوز، لا كان نابع من فهمه انه فاشل، وانه واجه ده بكل صدق، عمره ما حاول ان يكون شخص غير نفسه. بمعنى انك ماتجريش ورا النجاح لانك دايما هتشوف نفسك فاشل ومش عارف تحقق حاجه وغيرك حقق وانت لا، لكن لما تواجه مشكلتك وتعترف بيها ده اول طريق النجاح.
طب و قال ايه تاني في الكتاب؟ قالك" تأتي المرونة والسعادة والحرية من معرفة ما يجب الاهتمام به والأهم من هذا انها تأتي من معرفة ما ينبغي عدم الاهتمام به".
بيقولك ايه بقى ان السعاده بتكون لما تعرف ايه الحاجات اللي ملهاش لازمه تهتم بيها، وتحدد حاجات معينه هي اللي تهتم بيها وتكون تستاهل اهتمامك ده مش اي حاجه تستاهل اهتمامنا، انك تدي شخص او حاجه اهتمام دي حاجة غالية قوي فلازم تعرف كويس قوي الحاجه دي بتقدر وتستاهل اهتمامك ول لا، وترتبهم أولويات لان اكيد مش كلهم بياخدوا نفس الاهتمام.
صح ولا ايه؟
طب وكان بيقول ايه تاني عم بوكوفسكي ده !؟ "ان عندما تكون لنا قيم سيئة أو معايير سيئه نضعها لانفسنا وللاخرين فاننا نهتم اهتماما زائدا بأشياء لا أهمية لها أي بأشياء تجعل حياتنا أسوأ في واقع الأمر أما عندما نختار قيامنا افضل فإننا نكون قادرين على توجيه اهتمامنا الى اشياء افضل أي الى أشياء لها اهمية، أشياء تحسن حالتنا وتخلق لنا السعادة والمسرة والنجاح ايضاً".
ايش تجصد يعني ياعم بوكوفسكي؟؟!
اقول لك انا يعني انت مثلا ايه الحاجه اللي بتقيم بيها نفسك في حياتك؟ هتقولي مثلا اني اكون شكلي مميز او لبسي كويس، هقولك طب لو جه يوم وما بقتش مميز هتنتقد نفسك؟ ولا هتموتها؟
طب جيت في يوم ما عرفتش تشترى اللبس الغالي اللي كنت متعود تشتريه، ايه! مش هتنزل وتخرج ؟هنا بوكوفسكي بيقولك اختار الحاجه الصح اللي تقيم منها نفسك زي صلاتك، الرياضه، او انك تكون سعيد مثلا! واعرف انك طول ما انت مخلي نفسك سعيد ومبسوط انت مختار أفضل قيمة تقيم منها نفسك.
نهاها بوكوفسكي وقالك كلنا هنموت.
بس يا ترى هتسيب ايه قبل ما تموت الناس تفتكرك بيه؟ العالم هيكون افضل في ايه يعني لما تموت؟ ايه الاثر اللي انت هتسيبه؟ بيقولوا ان رفة جناح فراشة في أفريقيا يمكن تسبب إعصاراً في فلوريدا. طب وايه الأعاصير اللي انت هتسيبها وراك ؟!
السؤال ده هو اهم سؤال في حياتك.
سؤال صعب صح؟
و نتجنب التفكير فيه لأن معندناش فكرة ايه اللي ممكن نعمله في حياتنا.
اكتبوا رأيكم في التعليقات لو عايزين لمحات عن كتاب تاني، وفكر في السؤال وقولي هتسيب اي لم تموت.
.jpeg)
سبت كتاباتي اللي مفيش زيها والله 😂❤
ردحذفيخربتني مغرورة اي ده 🙂😂😂
ردحذف