مراجعة إنمي فينلاند ساجا
اوهايو
عاملين اى يا جماعة ان شاء الله تكونوا كويسين
النهاردة هنكلم عن مراجعة انمى فينلاند ساجا
قصة الانمى فى الاول بيتكلم عن الفايكنج وحياة الفايكينجس الشعب الهمجى ده اللى عايش حياته كلها على الغزوات اللى بيقوموا بيها على الدول الاوروبية بالذات بريطانيا .
بس قصة الانمى ده بتتمحور حوالين ولد بيكبر مع الاحداث وبيقى شاب اسمه ثوروفين وفجاة بيلاقى نفسه فى رحلة طويلة مع اكتر حد بيكرهه فى حياته وبيقى عاوز ينقتم منه ويقتله بسبب احداث حصلت فى الانمى وفى نفس الوقت هنشوف ازاى كان الطفل ده برىء فى يوم من الايام واتربى على الاخلاق ، وعن طموحه انه يستكشف العوالم ازاى ان كل ده اختفى ومبقاش قدامه غير الانتقام والقتل
نبدأ بقى نشوف مميزات الانمى
قصة الانمى بعدت شوية عن البطل اللى هوا ثورفين وقدملك جانب من حياة الفايكينجس جانب انسانسى شوية نفهم منه تاريخيا لى كان الشعب ده عايش كده بعيد عن انهم كانوا بيقتلوا اى حد قدامهم ومفيش اى رحمه سواء من اطفال او نساء بس هنفهم انهم كانوا عايشين فى اجواء صعبة جدا اجواء شتوية صعبة بيكونوا منعزلين وميقدروش يعيشوا غير لما يكونوا عندهم الموارد الخاصة بيه فهتلاقى انهم بيجيبوا الموارد دى فى فصل الصيف عشان يقدروا يعيشوا فى الشتا فهنا هنفهم لى استخدموا الطرق دى .
ففى الاول وفى الاخر كانت محاولة نجاه
الانمى هنا ممكن يتصنف درامى اكتر ما هوا اكشن انمى بيعدمت على بناء الشخصية بشكل بسيط من الصفر لفوق بشكل درامى . وخلينا نذكر بالمرة ان الانمى ده مفيهوش حجب للمشاهد الدموية فبيديلك انمى كامل بيشكلك حياة همج بتفاصيلها مع لمحات درامية فى الاحداث
تعليقات
إرسال تعليق