في الثواني الأخيرة.. معلول ينقذ الأهلي ويصعد به لنصف نهائي كأس مصر

  أغني و أسرع مطرب يموڤ أون 

كتبت:- ابتسام حسن

من العنوان طبعاً عرفنا هو مين ؟ 

( عمرو دياب) ومين فينا ميعرفهوش أو مش بيحب الهضبة ، طبعا اختلاف الاذواق ده ع عيني و ع راسي بس اكيد ليك كام اغنية بتحبهم منه . 

اتجوز شيرين رضا من 1989 لحد 1992 وبعدين عمل موڤ اون سنتين وبعدين اتجوز زينة محمد من 1994 لحد 2018 شايفين السنين دي كلها ؟ عمرو عمل موڤ اون كام شهر وبعدين اتجوز دينا شربيني على طول في نفس السنة عادي جداً وطبعاً كلنا عرفنا مصيرها اي زي باقي اخواتها ، يلا دي مشاكل عائلية مالناش دعوة بيها  . 

بدأ حياته من 1983 لحد السنة دي وهو كل سنة ما شاء الله بينزل ألبوم كامل اروع من اللي قبله ، أحنا مش بنقر خالص احنا بناخد جولة في حياته الفنية بس .

و في 1986 بدأ اول ظهور سينمائي لعمرو دياب مع ألهام شاهين و يوسف شعبان في فيلم السجيتان بس مكملش كتير في مهنته كممثل هما 4 أفلام بس ( 3 ببطولته هو و 1 ضيف شرف ) وبعدين معجبهوش الحال باين .

أما مهنته كملحن فهو لحن لنفسه تقريباً 97 أغنية اللهم بارك يعني ، كانت آخر اغنية لحنها لنفسه " اول كل حاجة " اللي صدرت 2017 

و حصل في عام 2017 تحديداً يوم 8 أغسطس على المركز الأول ضمن مجلة فوربس العالمية لأهم 100 فنان عربي . 

أما بقا لإعلاناته فهو عمل مع شركة سڤن أب وعمل أغنية " ميال " ، ومع شركة هيد اند شولدرز عمل اغنية " ما بلاش نتكلم في الماضي " ، أما مع شركة أورانج عمل اعلان لنظام "ألو" ، ومع شركة ويسترن يونيون أعلن عن خدمات الشركة بمشهد تمثيلي ، ومع فودافون عمل اغنية " لمة زمان " وظهر ف الأغنية مع ولاد عمه و صحاب الطفولة ، وآخر اعلان كان مع البريد المصري وعمل معاهم اغنية " السر " .

ده غير أنه تم ترجمة بعض أغانيه للانجليزيه و الفرنسية وانتشروا في عدد كبير اوي في الدول زي الهند و الافغانستان  من ضمنهم أغنية " نور عيني " ، و غير الجوايز المحلية و العالمية اللي حصل عليها خلال مشواره الفني ،اللهم بارك له تاريخ فني كبير .