اي هي حكاية شعبان بتاع السمك ؟

 العصر الفيكتوري

كتبت رؤية وائل 

تعالي اكلمك النهاردة عن عصر من العصور الفخمه اللي كان كله قصور وكانت تحكمه ملكة أثرت في التاريخ؛ بسبب طول مدة حكمها، واتسمى العصر على اسمها وهي" الملكة فيكتوريا" يلا بينا نعرف اكثر عن العصر الفيكتوري..

حكايته..

العصر الفيكتوري كان فتره تاريخيه مش بس في انجلترا لا في أوروبا كلها، العصر ده جه بعد عصر النهضة، وكانت فترة حصل فيها الثورة الصناعية في بريطانيا، مش بس بريطانيا لا دي وصلت لأوروبا وكمان الولايات المتحدة الأمريكية ودي كانت أعلى نقطة وصلها تاريخ امبراطورية بريطانيا.

كما أن فترة حكم الملكة فيكتوريا من 1837 لحد 1901 كانت من افضل الفترات اللي عدت على العصر، وان المؤرخين شافوا ان العصر الاول اللي حصلت في الثورة الصناعية كان العصر ده، وانه كان ثورة الإمبراطورية البريطانية، واستمر حكم الملكة فيكتوريا 64 سنة، وده كان ثاني أطول حكم في تاريخ بريطانيا بعد حكم الملكة "إليزابيث الثانية" التي حكمت بريطانيا 70 سنة.

مش كده وبس، العصر الفيكتوري مال إلى الرومانسية بعد المقاومه العقلانية اللي ميزه الفترة الجورجية، واختلاف الناس الصوفية ودي زي قبيله دينيه كدا، من الناحية الدينية والقيم الاجتماعية والفنون.

 اما بقى من ناحية تكنولوجيا العصر ده كان اكتر العصور اللي كان فيها ابتكارات كثيرة جدا واللي أثبتت قوة بريطانيا في التكنولوجيا.

تعداد سكانه..

وكانت الزيادة السكانية في العصر ده كانت أكثر زياده حصلت على مدار التاريخ بريطانيا؛ بحيث أنه زاد من 13.9 مليون في 1831 الى 32.5 في 1901، وكان في سببين رئيسين للارتفاع ده: اولهم ارتفاع معدل الخصوبة والثاني قلة عدد الوفيات.

ثقافته..

وكانت ثقافة المجتمع غريبه حبتين، كان ستات القصر والملكات بيلبسوا الارديه الطويلة الفساتين الطويله يعني، رغم أنهم كانوا متقدمين في كثير من مجالات الحياة، وفضلوا كده لحد العصر الجيوجورجي اللي كانوا يستخدموا فيه "الكورسيه" في اللبس تحت الفساتين الطويلة، وكان بيبقى مشدود على الظهر بطريقه جامده جدا حتى ما كنتش تقدر توطي تجيب حاجه لو وقعت منها.

 

قولولي رأيكم في الكومنتات لو استفدتوا وعايزين  المرة الجاية نتكلم عن عصر أي.