التخطي إلى المحتوى الرئيسي

 

مسلسل الضوء الشارد 


كتبت-نرنورة: 


مسلسل الضوء الشارد والحقيقة أن مش الضوء هو الي شارد دا استاذ رفيع بيه مش هقول كلام تقليدي عن أن استاذة "منى ذكي "ال بتجسد دور فرحة أو فرحة ليه بقا دور ال تس تس تس ،أنا شايفة أن دا مالهوش أهمية أو أننا للدرجة دي وصلت بينا السطحية في تحليل الأعمال الدرامية الفنية .


تعالو نبص للمسلسل بنظرة أخرى من بداية العنوان الضوء الشارد 

ليه مثلًا متسماش الضوء الساطع ؟

أو الضوء المتسلط؟

لأن بكل بساطة  الضوء شارد ومش لاقينله حكمه معينة نبص عليها أو نهتم بيها لوحدها منفردة ببناقش كذا قضية  فكل المسلسل قضايا مختلفة تعالى كدا مثلًا نبص على الأستاذة فارس شاب متعلم لايلو لايلو كارهه تقاليد الصعيد عاوز يعيش حياته بين القمصان والبنطلونات ودا بردو لأن الأستاذ محمد رياض بيكرهه لبس الجلابية متعقد من أيام الحاج عبدالغفور فبيروح يتجوز فرحة بت عم غزال الراجل الطيب وبيموت وبيحرق قلب أمه عليه وبيسيب لفرحة وابنها حمدي وأنا زي زيك بالظبط مستغربة ليه ممكن يسموا طفل حمدي ملتين مؤلفة زي مبقولك كدا .


على الصعيد الأخر هنلاقي نفيسة بنت وهبي بتتغزل في فارس ال بيتمشى بالحصان بتاعه في البلد ديمًا ومختلف عن كل ال حواليها والحالة دي بتتصنف إعجاب بالنسبالي مدام الشخص مختلف فأنتَِ عاوز تجربه المهم بيتجوز بيموت وبعدين بتتجوز رفيع تخليص حق ومبيكنش طايقها لدرجة ليلة جوازهم قالها انا نازل أسهر مع الخيل طب في حد يسيب الفرس دا بردو ...وبيعاملها معاملة جافة لكن للأسف بتحبه بتحبه لأنها مالقيتش حد حنين عليها وبالتالي ذهبت إلى تلك الشخصية التوكسيك ال مرمطتها ...بعدين مش بيكون ليها غير جدها فبيموت...بتحاول ترجع الحنين لأبوها فبيتسجن🙂.



نيجي لشخصية رفيع بيه ال حتى مامته بتقوله رفيع بيه ياولدي واتربى على أنه يكون شخصية حاسمة معندوش مشاعر وحتى لو كان عنده بيتجاهلها طبقًا لما ينتظره من مسؤليات وقضايا وشعاره"لا وقت للحب"أو لا وقت للمشاعر لحد أستاذة فرحة مبتيجي توقعة في حبها بسبب أنها شخصية عنيدة ومش مسالمة ودا طبع أغلب الرجالة وبشوف أن لو حد أتظلم فعلًا فبيكون هو .


وشخصية سُمية الخشاب ومشاكلها مع جوزها ال كل همه الفلوس وبس وأنه يعرف أيه ال بيدور حوالين رفيع بيه وفي دماغ رفيع بيه وليه رفيع بيه اسمه رفيع مش تخين وراجل حشري معرفش هيودي وشه فين من أبو لهب في جهنم وهو داخل النار عشان بينقل كلام زي الستات. 


وماما الحجة والي بتقوم بيها الممثلة القديرة سميحة أيوب سيدة المسرح العربي ولنا لقاء أخر عن تفاصيل شخصيتها واعمالها الفنية.






تعليقات

إرسال تعليق

المشاركات الشائعة من هذه المدونة

في الثواني الأخيرة.. معلول ينقذ الأهلي ويصعد به لنصف نهائي كأس مصر

كتبت / بسملة خميس شهد اليوم ستاد الجيش ببرج العرب مباراة الأهلي و المصري في الدور ربع النهائي من بطولة كأس مصر. ونجح الأهلي في الفوز على المصري البورسعيدي  في مباراة مثيرة حسمها الأهلي بنتيجة 2-1  في الشوط الإضافي الثاني بعد امتداد المباراة لـ 120 دقيقة. انتهى شوط المباراة الأول بالتعادل السلبي بدون اي أهداف بين الفريقين، حيث أن الفريقين لم يقدموا أي شيء يذكر خلال دقائق الشوط الأول. وفي شوط المباراة الثاني، حاول الفريقين افتتاح النتيجة والتسجيل، إلا أنهم نجحوا في الحفاظ على شباكهما خالية من الأهداف حتى نهاية الوقت الأصلي للمباراة. وفي الدقيقة ال 5 من الوقت الضائع من الشوط الثاني أحرز المصري الهدف الأول عن طريق رأسية قوية من مروان حمدي. وكاد المصري من تحقيق الفوز والصعود لنصف النهائي، إلا أن المارد الأحمر نجح في الحصول على ركلة جزاء بعد هدف النادي المصري بدقيقة واحدة عقب عرقلة حسين الشحات داخل منطقة جزاء المصري. وهو الأمر الذي قاد النادي الأهلي للتعادل في الثواني الأخيرة القاتلة من المباراة بعدما نجح علي معلول في تسديد الكرة بنجاح في منتصف الشباك، لتذهب المباراة للأشواط الإضافي...
تعليق واحد
Read more »

(حكاوى الطريق)

أنا عم مصطفي حالي زي اي حال مواطن مصري بيجري ورا أكل عيشه علشان يعرف يعيش ويجيب الأكل والشرب والكهربا وكمان علاج الأنسولين لاني عندي السكر وكل الحاجات التقليديه دي طبعاً أنت متخيل اني متجوز وعندي دسته عيال وده توقع غلط أنا عايش لوحدي منكرش أن دي حاجه صعبه بس هي مش وحشه او لحد دلوقتي مش وحشه وبشتغل علي تاكسي ورديه بليل بالذات هتقولي ليه هقولك علشان الليل هادئ وكمان لكذه سبب هنعرفهم سوا ودام المهم إني أنا كمان من صغري بحب جدا اني أتكلم كتير أو بمعني اصح لكاك يعني وكنت بحب القرايه وخصتا  بقي سلسله ما وراء الطبيعه ولحد دلوقتي لسه محتفظ بيها بقراها اتسلي بيها كده بدل مانا قاعد لوحدي وبما أني بحب اتكلم كتير فا حبيت اتكلم كتير مع الناس اللي بتركب معايا اهه برده نضيع وقتنا وبرده نسمع حكاوي علي الطريق بس بصراحه يعني فيه حكاوى بتبقي قاسيه جدا علي الشخص وفيه حكاوي بتبقي خفيفه كده وهي دي حال الدنيا يعني ساعات بتبقي مره وساعات بتلين علشان مطولش عليكم ولا تزهقوا مني تعالوا نشوف الزبون اللي جاي ده ونسمع حكايته وقصته بس كان لازم اعرفكم بنفسي لأن مشوارنا طويل وحكايات ملهاش نهايه معلش لو صدعتكم بانا...
إرسال تعليق
Read more »
 يه هيا قصة الزهرة بتاعت روبانزل ؟  كتبت- خلود أحمد  كلنا واحنا صغيرين كنا بنحب أوي نتابع أفلام الكرتون وخصوصاً "أفلام ديزني" وكنا دايماً نفسنا نكون زي أميرات ديزني عشان دايماً بيكون عندهم حاجة مختلفة.. ويعتبر اكتر حاجة كانت غريبة هو فيلم"روبانزل" الأميرة صاحبة الشعر الطويل طب يترى إيه سبب الغرابة ده.  ف يوم من الايام سقط ضوء من السما ع الارض ونما مكان الضوء ده زهرة عجيبة أوي، وكمان الزهرة دي كانت قادرة ترجع أي عجوز لشبابه وتشفي اي مريض بردو، والزهرة دي كانت محدش يعرف عنها حاجة إلا العجوز"جوثل". بس الزهرة دي كانت موجوده ف مملكة بيحكمها ملك وملكة طيبين، بس ف يوم من الايام الملكة تعبت جامد أوي وقتها الملك أمر كل الحرس انهم لازم يلاقوا الزهرة دي عشان تشفى الملكة. طب ليه"جوثل" كانت عايزه الزهرة دي؟  جوثل كانت ست عجوزة أوي كانت بتروح للزهرة وتغني أغنية معينة عشان تقدر ترجع شباب تاني وترجعلها كل حاجة ف شكلها زي الأول بس اشمعنا الزهرة دي؟ هقولكوا الزهرة دي الشعاع اللي كان بيخرج منها كان شعاع سحري قادر انه يعمل حاجات كتير أوي ويخلي الشخص اللي معاه الزهرة...
إرسال تعليق
Read more »