في الثواني الأخيرة.. معلول ينقذ الأهلي ويصعد به لنصف نهائي كأس مصر

 فيلم اسف على الازعاج واضافته للطب النفسي 

كتبت- خلود أحمد 

كتير من صناع السينما ف مصر بيهتموا بالجانب النفسي والتنموى ف أعمالهم الفنية، وبيراعوا إن العمل يكون مفيد اكتر ما يكون ناجح.. وده اللي حصل ف فيلم" اسف على الازعاج" العمل المصرى اللي اهتم بمرض نفسي واحد وضح فيه كل شيء خاص بالمرض حتى مراحل وطرق علاجه، وده لو أثبت حاجة هيثبت مدى توثيق السينما المصرية لعمل رائع زي ده طب يترى بيتكلم عن إيه الفيلم ده؟ 

 

فيلم" اسف على الازعاج " فيلم مصرى من إخراج "خالد مرعي" وإنتاج" الاخوة الموحدين للإنتاج والتوزيع"، وبطولة: أحمد حلمي، ومنة شلبي، ودلال عبد العزيز، ومحمود حميدة، وشارك ف العمل: محمد شرف، ويوسف عيد، وياسر الطوباجي، وسامي مغاوري، وأحمد فؤاد سليم .. اهتم الفيلم بتشخيص مرض " الفصام"، وتكون مشاركة الفنان" أحمد حلمي" في الفيلم أول مشاركة جريئة وغير تقليدية له، ولأغلب صناع الفيلم .

معظم أعمال الفنان" أحمد حلمي" دايماً كانت بتميل شوية النوع الكوميدي لكن الفيلم ده كان مختلف عن باقي الأفلام بتاعته لإنه كان كوميدي من نوع توثيقي، بدأ الفيلم بأحمد حلمي اللي جسد شخصية "حسن صلاح الدين" وكان بيشتغل ف الفيلم مهندس طيران، كان علاقته كويس مع كل زمايله مكنش فيه إلا مشكلة واحدة.

المشكلة دي هي ثغرة الفيلم كان "حسن" دايماً حاسس بإذن كل الناس اللي حواليه مش بتحبه، مش بس كدا، ده كمان كان بيشوف شخصيات يعتبر ملهاش وجود، وكان بيتعامل معاهم كمان، وأحياناً كان بيتعامل معاهم وهو شايف أنهم بيقولوه كلام غريب اوي، وكمان عمل ذكريات مع الناس دي .

كل شيء كان بيشوف حسن كان يعتبر بالنسباله حاجة غريبة، خصوصاً "فريدة" الشخصية دي اللي منة شلبي برعت ف تمثيلها، بنت يعتبر مختلفة بأفكارها وطريقتها، بس كان اكتر حاجة بالنسبالها  مش فهماها هي ليه حسن ملهوش صحاب.. بس الغريب ف شخصيتها أنها مكانتش موجودة م الأساس، كانت مجرد أول صدفة غريبة مش موجودة ف حياة "حسن". 

أما بقى  اكتر شخص كان وجوده هو صدمة ف حياة "حسن" هو والده واللي جسد شخصيته الفنان " محمود حميدة"، والد حسن كان اكتر حد حسن كان مرتبط بيه..آه كان لأن والد حسن ف الفيلم كان متوفي لكن مكنش موجود كان وجوده محدش يعرفه إلا حسن وبس كان بياخد معاه قراراته وكل حاجة خاصة بيه.

الفيلم مكنش بس بيناقش مشكلة الفصام ده كمان ناقش مشكلة الناس اللي مصابين بالوحدة، ف العادة الشخص الوحيد بيكون محتاج إنه يلاقي أي ونس حواليه، ناس كتير بتلجأ لإنها تكتب وتخرج وتحاول تعيش مع ناس حواليها، أما بقى مرضى الفصام ف المرض لو اتصنف هيتصنف مرض نفسي مصدره البيئة، طب ازاى؟  مرض الفصام لما حبوا يمثلوه كانوا متعمدين أن يكون في أشخاص محدش يقدر يشوفها غير المريض لأنه هو الوحيد اللي بيتعامل مع الأشخاص دي .

صناع الفيلم موقفوش عند تجسيد واقع نفسي بس دول كمان اثبتوا ده، أحياناً الأغاني بتخليك تحس بشعور مختلف بس المرادي صناع الفيلم قرروا انهم هيثبتوا أحداث الفيلم كله بأغنية "شيرين" بس ناس كتير لفت انتباهها كوبليه من الاغنية وهو: "أنا زي ما انا ولا انقسمت اتنين"، المرض النفسي لما نعترف بيه بنكون ف اول طرق العلاج.. العلاج اللي بيه بنلغى كل أعراض المرض وبنفس الطريقة قدرنا نحقق هدفنا وهدف صناع الفيلم