(حكاوى الطريق)

أنا عم مصطفي حالي زي اي حال مواطن مصري بيجري ورا أكل عيشه علشان يعرف يعيش ويجيب الأكل والشرب والكهربا وكمان علاج الأنسولين لاني عندي السكر وكل الحاجات التقليديه دي طبعاً أنت متخيل اني متجوز وعندي دسته عيال وده توقع غلط أنا عايش لوحدي منكرش أن دي حاجه صعبه بس هي مش وحشه او لحد دلوقتي مش وحشه وبشتغل علي تاكسي ورديه بليل بالذات هتقولي ليه هقولك علشان الليل هادئ وكمان لكذه سبب هنعرفهم سوا ودام المهم إني أنا كمان من صغري بحب جدا اني أتكلم كتير أو بمعني اصح لكاك يعني وكنت بحب القرايه وخصتا  بقي سلسله ما وراء الطبيعه ولحد دلوقتي لسه محتفظ بيها بقراها اتسلي بيها كده بدل مانا قاعد لوحدي وبما أني بحب اتكلم كتير فا حبيت اتكلم كتير مع الناس اللي بتركب معايا اهه برده نضيع وقتنا وبرده نسمع حكاوي علي الطريق بس بصراحه يعني فيه حكاوى بتبقي قاسيه جدا علي الشخص وفيه حكاوي بتبقي خفيفه كده وهي دي حال الدنيا يعني ساعات بتبقي مره وساعات بتلين علشان مطولش عليكم ولا تزهقوا مني تعالوا نشوف الزبون اللي جاي ده ونسمع حكايته وقصته بس كان لازم اعرفكم بنفسي لأن مشوارنا طويل وحكايات ملهاش نهايه معلش لو صدعتكم بانا قولتلكم اني أي أيوه بالظبط لكاك تعالي نشوف بقي أي الحكايه  

(حكايه مراد) 

أركب يا بني هو كان شاب كده شكله في العشرينات مش عارف بصراحه فا قولت اعزم عليه بسجاره يعنى عزومه كده  عم مصطفى.. اتفضل يا باشا 

مراد.. تسلم أنا مبطل من فتره بس مش هكسف ايدك كفايه اللي واحد بيشوفه في الدنيا

عم مصطفي في سره.. ياريتك كنت كسفتها احسن

عم مصطفى...غلطان ياريتك كنت بطلتها ملهاش فايده ولا حاجه أصلا شويه دخان علي الفاضي يعني هو شويه الدخان اللي هضيع هم الدنيا اوهام يا باشا

بس  كان مراد وهو بيتكلم كان لسانه تقيل شويه بيتلعثم شويه في الكلام وده اللي لاحظه عم مصطفى وكمان لاقاه لابس بدله ومتشيك فا قعد يخمن ده اي حكايته

مراد.. عندك حق بس نعمل أي وهم وهم يعني مش احسن من الواقع الزفت ده

عم مصطفي.. حصل أي يا باشا شكلك معبي جواك جامد اوي وشكلك ابن ناس يعني

مراد.. حصل كتير يا اسم الكريم أي

عم مصطفي. محسوبك مصطفي

مراد.. حصل كتير يا عم مصطفى الواحد مش عارف يلاقيها منين ولا منين كل حاجه بتتعقد اكتر كل ما باخد خطوه برجع لورا بسبب حاجه أنا مليش يد فيها يعنى روحت اقدم على شغل اترفضت من غير حته ما يشوفني ولا يعرفوا قدراتي بسبب بس اني عندي مشكله في الكلام ومش بعرف اتكلم يعني بالله عليك ده ذنبي او مبرر حتي للرفض!!

عم مصطفي.. لا طبعاً وبعدين يا باشا دول عالم ناقصه انت زي الفل والله وأكيد هما اللي خسروك عارف يا باشا العالم دي لازم تتحاسب علشان بيبصوا بس علي المظاهر ده فيه شاب عندنا في المنطقة برده بيتلعثم في الكلام الناس قعدوا يستقلوا بيه ويتريقوا الولد من كتر ما زهق رمي نفسه من العماره لو شوفت منظر أهله ساعتها يخليك تتقهر عالم زباله يا باشا

مراد.. احنا هتفضل لحد أمتي نستحمل الناس والهم ده وكل ما بروح لشغل مش بيكملوا نص الكلام حتي وياخدوا اللي بعدي وحتي يوم ما روحت اتقدم برده اترفضت هو حصل أي أنا مش فاهم الواحد قرب ينفجر 

عم مصطفي ساكت ومش عارف يقول عليه من جواه حزن وبرده تأنيب ضمير بسبب حاجه محدش عارفها غيره بس اكيد هنعرفها بعدين

عم مصطفي.. يابني سيبها علي ربنا ربك هيفرجها ودور وحاول تاني اكيد ربنا مش هيسيبك وفرفش كده طب اشغلك اغنيه تروق بيها

مراد.. بانا خلاص بقي هكبر دماغي والدنيا تتحرق

مصطفى.. معلش بس الكلام خدناه ونسيت حضرتك رايح فين ؟

مراد متعصبا.. نزلني هنا 

عم مصطفي بينزلوا وهو مش فاهم ومستغرب بسبب جمله قلهالوا قالوا أنا مش مسامحك ومشي علطول بس كان فيه حاجه وهي ان يوسف كان نساه فلاشه في العربيه بس اختفي ومشي فا عم مصطفي كان جواه فضول يشغلها المهم حطها وشغلها لقي اغنيه هو فاكرها كويس جدا دي الاغنيه اللي كان دايما الولد إللي كان عندهم في العماره بيشغلها صدفه؟

لكن إللي جاي مش صدفه كان برده الشاب أسمه مراد!!! 

وكمان الجمله اللي قالها كده الرويه وضحت!

عرفتوها ولا لا بس أكيد عم مصطفي عرف

أن عم مصطفى الندم اللي كان جواه كان هو سبب من اسباب انتحار الولد او بمعني صح الولد اللي كان راكب معاه يمكن اللي ركب معاه القرين بتاع الشاب كضغب من عم مصطفى

الله اعلم!!

ولكم حريه التفسير.