التخطي إلى المحتوى الرئيسي

عاملين اى يا جماعة ان شاء الله تكونوا كويسين 



النهاردة هنكلم عن مراجعة انمى ديمون سلاير 



تصنيف الانمى (أكشن /خيال / تشويق)



القصة بدات فى الاول بولد اسمه تانجيروا . الولد ده مر بصعوبات كتير من اولها ان ابوه ميت وهوا برضو يعتبر مسؤول عن عيلته . فى يوم من الايام كان بيعمل شغل بعيد عن عيلته ولما رجع لقاهم كلهم ميتين بطريقة وحشية على ايد الشيطان والموضوع مخلص هنا كل عليته ماتت ماعدا اخته " نيزوكوا " هي الوحيدة اللى عاشت بس اتحولت لشيطانه فهو ازاى هيتعامل مع اخته وازاى هتكون حياته بعد ما عيلته ماتت 


الانمى تصنيفه اكشن وفانتازى بس فى حقبة زمنية قديمة من سيوف وساموراى وحتى الناس بس زيادة عن دى القوه الخارقة 


مميزات الانمى 


لو جينا نبص على الانمى هنلاقى ان اللى بيميزه اوى هو الرسوم والتحريك والمؤثرات البصرية لما تيجى تشوف القتالات هتكون فاتح بوقك كدة اللى هو اى الجمدان ده مع التركيز على التفاصيل فى القتالات مش هتلاقى فى اخطاء والاجمل هو تعدد الاماكن فبيديك متعة بصرية خاصة وخالينا نذكر برضو تعدد الشخصيات من شياطين و قاتلى الشياطين كل حد منهم ليه الاستايل خاص بيه فى القتال ومؤثرات بصرية مختلفه عن التانى فلو دمجنا دى مع التحريك والرسم فهيديك عظمه



خلينا نذكر برضو ان الانمى ده فى دم وعنف مفيهوش حجب فده بيدى ميزه خاصة للقتالات فكل حلقة هتتفرج عليها من غير اى ممل وانت وبتقول يخربيت جمالك 



الانمى بيديك لمحة درامية برضو فمع كل شيطان بيتقتل بيعرضلك الماضى بتاعه ان كان فى الاول برضو حد عادى وليه حياته اللى كانت مليانه مشاكل قبل ما يتحول لشيطان  فلما يعرضلك ده هتفهم ليه وهو فى هيئته الشيطانيه بيتصرف كده 



خلينا نجبلك الزتونه فى الاخر لو انت بتدور على قصته خفيفة بسيطة مع قتالات و تحريك ورسم حلو واكشن فلانمى دى ليك ومناسب جدا وهتستمتع بال 24 حلقة كلهم بس لو انت عاوز انمى فى عمق وقصة جادة وتفاصيل واحداث عميقة فده مش احسن اختيار وفى انميات كتير هتعرف تجمع المواصفات دى اكتر منه يعنى وانت وذوقك بقى 3:



تعليقات

إرسال تعليق

المشاركات الشائعة من هذه المدونة

في الثواني الأخيرة.. معلول ينقذ الأهلي ويصعد به لنصف نهائي كأس مصر

كتبت / بسملة خميس شهد اليوم ستاد الجيش ببرج العرب مباراة الأهلي و المصري في الدور ربع النهائي من بطولة كأس مصر. ونجح الأهلي في الفوز على المصري البورسعيدي  في مباراة مثيرة حسمها الأهلي بنتيجة 2-1  في الشوط الإضافي الثاني بعد امتداد المباراة لـ 120 دقيقة. انتهى شوط المباراة الأول بالتعادل السلبي بدون اي أهداف بين الفريقين، حيث أن الفريقين لم يقدموا أي شيء يذكر خلال دقائق الشوط الأول. وفي شوط المباراة الثاني، حاول الفريقين افتتاح النتيجة والتسجيل، إلا أنهم نجحوا في الحفاظ على شباكهما خالية من الأهداف حتى نهاية الوقت الأصلي للمباراة. وفي الدقيقة ال 5 من الوقت الضائع من الشوط الثاني أحرز المصري الهدف الأول عن طريق رأسية قوية من مروان حمدي. وكاد المصري من تحقيق الفوز والصعود لنصف النهائي، إلا أن المارد الأحمر نجح في الحصول على ركلة جزاء بعد هدف النادي المصري بدقيقة واحدة عقب عرقلة حسين الشحات داخل منطقة جزاء المصري. وهو الأمر الذي قاد النادي الأهلي للتعادل في الثواني الأخيرة القاتلة من المباراة بعدما نجح علي معلول في تسديد الكرة بنجاح في منتصف الشباك، لتذهب المباراة للأشواط الإضافي...
تعليق واحد
Read more »

(حكاوى الطريق)

أنا عم مصطفي حالي زي اي حال مواطن مصري بيجري ورا أكل عيشه علشان يعرف يعيش ويجيب الأكل والشرب والكهربا وكمان علاج الأنسولين لاني عندي السكر وكل الحاجات التقليديه دي طبعاً أنت متخيل اني متجوز وعندي دسته عيال وده توقع غلط أنا عايش لوحدي منكرش أن دي حاجه صعبه بس هي مش وحشه او لحد دلوقتي مش وحشه وبشتغل علي تاكسي ورديه بليل بالذات هتقولي ليه هقولك علشان الليل هادئ وكمان لكذه سبب هنعرفهم سوا ودام المهم إني أنا كمان من صغري بحب جدا اني أتكلم كتير أو بمعني اصح لكاك يعني وكنت بحب القرايه وخصتا  بقي سلسله ما وراء الطبيعه ولحد دلوقتي لسه محتفظ بيها بقراها اتسلي بيها كده بدل مانا قاعد لوحدي وبما أني بحب اتكلم كتير فا حبيت اتكلم كتير مع الناس اللي بتركب معايا اهه برده نضيع وقتنا وبرده نسمع حكاوي علي الطريق بس بصراحه يعني فيه حكاوى بتبقي قاسيه جدا علي الشخص وفيه حكاوي بتبقي خفيفه كده وهي دي حال الدنيا يعني ساعات بتبقي مره وساعات بتلين علشان مطولش عليكم ولا تزهقوا مني تعالوا نشوف الزبون اللي جاي ده ونسمع حكايته وقصته بس كان لازم اعرفكم بنفسي لأن مشوارنا طويل وحكايات ملهاش نهايه معلش لو صدعتكم بانا...
إرسال تعليق
Read more »
 يه هيا قصة الزهرة بتاعت روبانزل ؟  كتبت- خلود أحمد  كلنا واحنا صغيرين كنا بنحب أوي نتابع أفلام الكرتون وخصوصاً "أفلام ديزني" وكنا دايماً نفسنا نكون زي أميرات ديزني عشان دايماً بيكون عندهم حاجة مختلفة.. ويعتبر اكتر حاجة كانت غريبة هو فيلم"روبانزل" الأميرة صاحبة الشعر الطويل طب يترى إيه سبب الغرابة ده.  ف يوم من الايام سقط ضوء من السما ع الارض ونما مكان الضوء ده زهرة عجيبة أوي، وكمان الزهرة دي كانت قادرة ترجع أي عجوز لشبابه وتشفي اي مريض بردو، والزهرة دي كانت محدش يعرف عنها حاجة إلا العجوز"جوثل". بس الزهرة دي كانت موجوده ف مملكة بيحكمها ملك وملكة طيبين، بس ف يوم من الايام الملكة تعبت جامد أوي وقتها الملك أمر كل الحرس انهم لازم يلاقوا الزهرة دي عشان تشفى الملكة. طب ليه"جوثل" كانت عايزه الزهرة دي؟  جوثل كانت ست عجوزة أوي كانت بتروح للزهرة وتغني أغنية معينة عشان تقدر ترجع شباب تاني وترجعلها كل حاجة ف شكلها زي الأول بس اشمعنا الزهرة دي؟ هقولكوا الزهرة دي الشعاع اللي كان بيخرج منها كان شعاع سحري قادر انه يعمل حاجات كتير أوي ويخلي الشخص اللي معاه الزهرة...
إرسال تعليق
Read more »