مسلسل المداح الجزء 3
كتبت: نورهان مسعد
مسلسل المداح من المسلسلات اللي كتير
من الناس بتستناها خاصة أن حمادة هلال قدم لينا شخصية جديدة و مختلفة عن الشخصيات
اللي قدمها خلال السنين اللي فاتت و برغم كدا نجح الجزأين اللي فاتوا بشكل كبير
جدًا و رجعلنا بجزء جديد في رمضان 2023
تفاصيل مسلسل المداح:
بتدور الاحداث في إطار من التشويق من
خلال دراما مشوقة في احداثها، ويظهر الفنان حمادة هلال بشخصية “صابر المداح”.
مين صابر المداح؟
هو الطفل اللي اتبناه و رباه إمام
مسجد، وبعد كدا صابر بيمشي في طريق غلط بيوقعوا ف مشاكل كتيرة، لغاية ما بيتعرض
لسلسلة من الاحلام الغريبة و اللي بتتحقق على أرض الواقع، و خلال احداث المسلسل
بيخش صابر في معركة بينه وبين الجن.
طيب و نفس القصة هتفضل مكملة للجزء
الجديد؟
أكد حمادة هلال من خلال لقاءه مع جريدة
"المصري اليوم" إن احداث الجزء الثالث مختلفة تمامًا و تم إضافة شخصيات
جديدة، وأضاف انه بيصور حاليًا مشاهد في دير سانت كاترين، بالإضافة إلى عدد من
المشاهد الصعبة أعلى قمة جبل موسى.
أبطال مسلسل المداح الجزء الثالث:
حمادة هلال، لوسي، هبة مجدي، خالد
سرحان، محمد رياض، دنيا عبدالعزيز، أحمد ماهر، يسرا اللوزي، خالد زكي، حنان
سليمان، محمد مهران، رانيا فريد شوقي، عصام السقا، تامر شلتوت.
تأليف : (أمين جمال، وليد أبوالمجد،
شريف يسري).
إخراج: أحمد سمير فرج.
قنوات عرض المداح:
يعرض الجزء الثالث من مسلسل المداح ضمن
مسلسلات رمضان 2023 حصريًا على منصة
شاهد الرقمية.
وعلى قناة أم بي سي مصر و اللي كشفت
مؤخرًا عن بوستر المسلسل.
تعليقات
إرسال تعليق