إعلانات أورانج في رمضان قبل ٢٠١٥
كتبت_نرنورة :
رمضان داخل وكل سنة وأنتم طيبين هتيجي أكتر حاجة لذيذة بالنسبة لي وهي فقرة الإعلانات وحقيقي معرفش ليه في ناس بتعتبرها خنقة وحاجة بتفصيل بين الحلقة وبتاع مع أني بحب اسمعها جدًا ما علينا ندخل في الموضوع ،
افتكر ان قبل مندخل السباق الرمضاني بتاع كل سنة في الإعلانات ومين من الممثلين هيأخد أجر أعلى في إعلانات ومسلسلات وفساتين الأستاذة الممثلات كان في دراما وفن راقي كانت شركة اورنج والي في الوقت دا كان اسمها موبينيل بتعمل إعلانات عظمة معلقة معانا لحد دلوقتي وكانت بيكون فيها رسالة كمان تحت شعار #ديمًا مع بعض .
إعلان ٢٠١٠ الي شاركت فيه الفنانة إيمي سمير غانم والفنان إدوارد
إعلان ٢٠١١
الي كان بدايته :أستاذ سيبني الدنيا صيام
طب اعمل أيه اصل أناخرمان
والي بيحكي يوم موظف عادي في مصلحة حكومية وسط زحمة الموصلات والصيام ودمه لذيذ
إعلان ٢٠١٢
ع شان لازم نكون مع بعض ع شان شيلانا نفس الأر ض عشان بكرا
ودي يعتبر من أجمل الأغاني ممكن تبسطني لمجرد وأسمع لحن البداية اصلًا وعاش لكل حد شارك في العمل الفني دا بجد
إعلان ٢٠١٣
وبحتاجلك وتحتاجلي مابين الف حركة وصل وبشبهلك وتشبهلي في حب الخير وطيبة الأصل
والي في راي بيدعو إلى الوحدة الوطنية وعدم تباعد الطبقات بشكل جميل وإعداد وإخراج متعملش زيه .
إعلان ٢٠١٤
إفتح بيان قلبك واعرف أنا مين
إنسان زيك إنت
إفتح بيان بكرا
دا مفيش فرق بين حلمي وحلمك أنت
إعلان ٢٠١٥ #أنت فاعل خير
كتر خير الناس لسة الدنيا فيهاقلوب بتضحكلك
قلوب صافية عايزالك كل خير
إعلان ٢٠١٦ والي بيشترك فيه الفنان أكرم حسني والفنان أحمد فهمي وازاي مكتشفناش إنهم بيقدموا كوميديا جامدة كدا إلا في ٢٠٢٠ في رجالة البيت .
نقفل على كدا والتنمية في مقال أجمد عن إعلانات شركة تانية
تعليقات
إرسال تعليق