في الثواني الأخيرة.. معلول ينقذ الأهلي ويصعد به لنصف نهائي كأس مصر

 ايه هو صخر الأوبال؟

كتبت-خلود أحمد 

الطبيعة دايماً مختلفة بس اكتر مثال ع الاختلاف ده هو وجود الصخور، ناس كتير مفكرة إن الصخور دي شكل او نوع واحد بس.. لكن ف الحقيقة الصخور أنواع وأشكال وألوان،  وبسبب اختلاف بعض الصخور سواء ف ملمس أو شكل او حتى في لون، الاختلاف ده خلى لكل صخر اسم ووصف وكمان قيمة مالية، وم ضمن الصخور دي صخر اسمه الأوبال. 

صخر الأوبال أو زي ما بنقول احياناً صخر" عين الشمس"، صخر او حجر الأوبال يعتبر من الأحجار الكريمة اللي بتتميز بلمعانها المتلأليء، وكمان يعتبر حجر نصف شفاف، ومش بس كدا بس لو جينا نشوف نوعه الأصلي هنلاقي من السيليكا المائية أو زي ما بنقول عليها " سيليكا غير متبلورة" وموجود فيه مايه بنسبة 20% من إجمالي نسبته، أما لونه فهو بيختلف ف اللون من شفاف إلى أبيض حليبي، بس لونه مش يقتصر ع كدا بس ده بيدخل ف إظهاره اللون الأحمر والأخضر والأصفر والبني والأسود.

حجر الأوبال يعتبر من الأحجار الوطنية الأسترالية، وأكثر تواجده في أستراليا، وعشان كدا تعتبر أستراليا أهم وأشهر موطن لوجود حجر الأوبال، وبسبب كتر كميته ف أستراليا قدر إنه يكون حجر أستراليا الوطني، وقدرت تقدم أكبر قطعة اوبال موجودة وهي الجوهرة "أولمبك تسترليس" واللي بتوزن 127 رطل، وأبعادها 5*5، 5*10 إنش.

وم هنا نقدر نقول ان الأحجار الكريمة هتفضل قيمتها عالية بقدر وجودها، وكمان  بقدر قيمتها الحقيقية، قيمة الشيء ف مصدر وجوده ومصدر جماله، احنا دايماً بنلجأ للشيء النادر.. بنحاول بكل واغلب الطرق اننا نحصل عليه عشان بيكون عندنا نوع م الفضول المعرفي اللي يخلينا عايزين نعرف ايه سر الحجر أو ازاي الشيء ده موجود أصلا وعشان كدا.. " سنظل نبحث عن المفقود حتى وإن وُجد".