تعالوا نشوف طرق مختلفة لحفظ الخضار
كتبت- خلود أحمد
شهر رمضان داخل علينا ومعظم الامهات بتحب انها تشترى خضار كتير وتخزنه عشان يكون عندها اكتر من حاجة تقدر تستخدمها، بس اغلب الخضار بيكون تخزينه محتاج شوية خطط كدا.. ف ورقة وقلم يا ست الكل وتعالوا نعرف سوا طرق تخزين بعض الخضار.
هنبدأ بالخضراوات الورقية:
اول حاجة بنجيب الخضار ونغسله بطريقة كويسة طبعاً وبعدها نستخدم المناديل الخاصة بالمطبخ أو لفاف المطبخ او ورق فويل ونغلف الخضار فيه.. وب كدا هنقدر نحفظه لأطول فترة ويفضل أخضر زي ماهو .
طريقة حفظ الجزر:
ودلوقتي هنعرف ازاي نحفظ الجزر.. اول حاجة بنجيب الجزر ونشيل اول قشرة خارجية ليه بالسكين بمعني اننا نقشره بطريقه خفيفه خالص، وبعدها نغسله كويس جداً، ونجيب أي علبة بلاستيكية ونحط فيها الجزر ونملى العلبة ماية بنسبة كويسة، وب كدا هنقدر نحفظ الجزر لقترة كبيرة ويكون كأنك لسه شارياه يست الكل.
طريقة حفظ الخيار
اول حاجة بنغسل الخيار ، وبنجيب اكياس بلاستيك بس بنعمل فيها ثقوب كدا صغيرة عشان تقدر تدخل هوا جوا الكيس وبعدين بمستوى الخيار يكون ناشف شويتين ونحطه ف الكياس البلاستيكية ونحطه ف التلاجة.. ودي يعتبر ابسط طرق حفظ الخيار.
أما بقى لو حبينا نخزن البصل فإحنا محتاجين لمكان التهوية فيه كويسة لان البصل بيحتاج انه يتحفظ ف الهوا عشان يفضل لمدة أطول.
وعكسه تماماً الثوم لاننا ف الثوم بنحتاج لمكان مظلم شوية عشان نقدر نحفظ الثوم لأطول فترة وعشان يعتبر من اكتر الحاجات اللي تستخدمها الأمهات ف معظم الأكلات.
وبكدا نكون قدرنا نحفظ بعض الخضار ونستخدمه لفترات طويلة وقدرنا اننا بردو نوفر كترة شراء الخضار وقدرنا
نحافظ ع عدد كبير م الخضار.
تعليقات
إرسال تعليق