مشتاقتوش للقبطان عزوز؟
كتبت-خلود أحمد
كلنا واحنا صغيرين كنا متعلقين أوي بمعظم مسلسلات رمضان وخصوصاً اللي فيها نوع من الكوميديا بس من الطف المسلسلات اللي قابلناها هو مسلسل" القبطان عزوز" اللي كان عباره عن مسلسل شبه رسوم كدا ع شكل الممثلين اللي بتشارك فيه، متيجوا نشوف هو ايه بالظبط.
مسلسل" القبطان عزوز" هو مسلسل كرتوني مصري، اول مرة اتذاع فيها كان ف رمضان سنة2009، من اخراج " عبدالله نبيل" وتأليف " محسن رزق" ، و"احمد سيد امين"، ومن بطولة الفنان"سامح حسين"، ومشاركة كلاً من: انتصار، عبدالله مشرف، سليمان عيد، معوض إسماعيل، واتذاع منه ٣ أجزاء عام2009، 2010، 2011.
بيدور المسلسل حوالين القبطان عزوز واللي جسد شخصيته الفنان "سامح حسين"، عزوز بقى كان وارث سفينة عن باباه وكان اسمها "شمندورة"، بس المشكله بقى إن عزوز مكنش ذكي كفايه عشان كدا كان حكاية كل حلقة هي عبارة عن مغامرة جديدة، وحدوتة ولغز بنحله مع القبطان عزوز.
ومش بس كدا بما انه كان بيفكر بس أحياناً تفكيره بيكون محدود شويتين ناس كتير كان مفكراه غباء بس ف الاساس هو كان بيفكر بس بطريقة غريبة شويتين.
طب يترى بقى باقي الشخصيات بردو تفكيرها محدود ؟
عندنا تاني شخصية وهي عمة القبطان عزوز واللي بتجسد شخصيتها الفنانة" انتصار" ودي بقى كانت عمته المشاكسة..دايماً بيكون ف كل قصةشخصية مختلفة عن نوع المضمون لازم نلاقى حد كدا بنحس معاه بالمغامرة ويكون دايماً بيشاكسنا وبينكشنا عشان يكون الجو متغير وكمان الرحلة يكون ليها متعة وطعم مختلف.
ومش بس كدا احنا معانا دور البغبغان واللي قام بشخصيته الفنان" معوض إسماعيل" طبعاً دور زى ده كفيل إنه يحول الموضوع والحدوتة لقصة مختلفة فيها نوع من الكوميديا، ف العادة البغبان بيكون مثير للنظر سواء بشكله او بأسلوبه ف التقليد بنحس إن ازاي فيه طائر قادر انه يقلد كلام الانسان بالأسلوب ونبرة الصوت المضحكة دي عشان كدا العمل كان فيه نوع من اللطافة.
- [ ] اما بقى شخصية قائد وربان السفينة كان من نصيب الفنان" عبدالله مشرف" اللي دايماً بينحسر تمثيله ف ادوار الكوميديا اللي بيأديها بمنتهى اللطف وبيخطف قلوبنا دايماً.. بس ف العادة قبطان السفينة بيكون شخص صارم ف قراراته بس مش مع عم عبدالله، اللي معروف بخفة دمه واللي رغم تجسيده لشخصية ف العادة صارمة الا انه قدر يغير الشخصية لقائد لطيف جداً قادر انه يساعد عزوز ف التغلب ع بعض مشاكله اللي هتقابله ف رحلته.
ومعانا أخر شخصية هيا عامل السفينة وجسد شخصيته الفنان"سليمان عيد "،
دايماً بنحتاج حد ف حياتنا يكون يهون علينا الرحلة سواء سهلة او صعبة.. دايماً بنحتاج الونس ف حياتنا اللي نشاركه تفكيرنا الغلط والصح، قرارتنا الغريبة والغبية احياناً، مش مهم الشخص ده بالنسبالنا ف انهي مكانة قد ما المهم ان الشخص ده يكون هو مصدر راحتنا، وفرحنا ومشاركتنا..فكان لازم نتعلم ده من صغرنا، اننا نكون مع الناس اللي حوالينا وعشان كدا كان لازم يكون فيه شخصية "سليمان عيد".
شهر رمضان دايماً ناس كتير بتركز فيه على الحاجات الترفيهية خصوصا الاطفال بيركزوا على المسلسلات الكارتونية المعروضة وعشان كدا كان لازم نتربى على مغامرات القبطان عزوز و حلقات بوجي وطمطم واخر احداث بكار ورشيدة وهل رشيدة هتفضل معاه ولا لا، دايماً كان لازم نتربى على افكار مختلفة بس أهمها اننا نتابع حاجات جديدة فيها اختلاف قادر على انه يبني جوا الاطفال حاجات حية يقدروا يعيشوا ويكملوا بيها حياتهم ويقدروا يبنوا شخصيتهم بيها وازاي ياخدوا قرار صح بطريقة مختلفة او نقول بطرق مختلفة.
قصة القبطان عزوز او زي ما ناس كتير بيسموها حدوتة عزوز اللي ارتبطنا بمغامراته من صغرنا وحبينا اننا نعرف هل هيقدر يحقق اللي كان بيحلم بيه، ولا في رأي تاني ف مغامرة وحدوتة جديدة.
"فنحن دائماً ما نحِن إلا لكل مشهد لامس قلوبنا وجعلنا له مشتاقين "
تعليقات
إرسال تعليق