ايه سر الكيميا بين العوضي وياسيمين عبد العزيز؟
كتبت-خلود أحمد
السينما حكايات سواء حكايات بتتعرض أو حكايات بتكون نابعة منها.. والسينما قدرت تجمع اتنين كانوا لفترة كبيرة جداً من أشهر الكابل ف السوشيال والسينما المصرية، والاتنين دول كانوا: الفنان"أحمد العوضي" والفنانة"ياسمين عبد العزيز"، ف تعالوا نشوف ايه قصة ان السينما جمعتهم وايه اللغز ورا الكيميا اللي بينهم؟
لو بدأنا بالفنانة "ياسمين عبد العزيز" هنلاقي إنها شاركت ف أعمال كتير جداً سواء اعمال درامية أو فنية أو ف المسرح أو حتى بداية ظهورها ف الإعلانات، اتميزت ياسمين بتلقائيتها وتعابير وشها اللي بتميل للواقع بشكل مختلف، وخطفها لقلوب الجمهور بمجرد دخولها أي عمل فني وكذلك بردو خطفت قلب العوضي.
أما بقى الفنان "احمد العوضي" الممثل والملاكم المصري اللي بدأ مسيرته الفنية في 2009واللي اختلفت أدواره بس كانت اغلب أدواره بتجمع بين الآكشن بنسبة كبيرة، اعتباراً لموهبته الأساسية وهي الملاكمة.
بداية علاقة العوضي وياسمين..
طبعاً لكل حكاية بداية وبداية قصتنا كانت مع مسلسل " لأخر نفس" واللي أترشح فيه العوضي لتجسيد شخصية ظابط، بس العوضي كان رافض فكرة تكرار شخصية الظابط اللي سبق وجسدها ف اعمال تانية بس صرح بعدها وقال" انا موافق اعمل شخصية الظابط تاني دي ياسمين"، نقدر نقول م هنا بدأت القصة.
وطبعاً بما إن الوسط الفني لا يُخفى فيه شيء.. أعلنوا زواجهم بعد فترة من الارتباط بين الطرفين واللي قدروا من خلالها يوصلوا فكرة جميلة عنهم.
اللي مالهوش كبير..
نقدر نقول ان العنوان ده كان كفيل إنه يبين مدى الكيميا والتوافق بين العوضي وياسمين.. المسلسل اتعرض ف رمضان او المسلسل اللي طلع بيه جملة "وحش الكون"، مكس رهيب كان ف الفيلم بين شعبية ورومانسية مختلفة قدروا بيها يخطفوا قلوب الناس.
احنا ف العادة بندور ع شخص يكمل بينا حياتنا ويكملنا والعوضي وياسمين كانوا أرق وأجمل مثال ع الكمال، كل شخصية فيهم مختلفة بتكمل الشخصية التانية.. حتى لما شاركوا سوا ف عمل درامي أدوا العمل بنفس نقطة اللطف اللي بينهم، ونقدر نقول إن" إذا لم يكن الحب نقطة
تكامل فلا يكن سوى سراب".
تعليقات
إرسال تعليق