هل الكبير الجزء السابع فعلًا اقل من التوقعات؟

كتبت-نرنورة: 

أنا شايفة أن أحمد مكي متغيرش من يوم مظهر وأنه بيضحكني وأن دا الكبير بكل أجزائه أنت الي عندك مشكلة فخلاص يا أستاذي مشكورًا متابعهوش أحنا بنتابعه وبنحبه ومستنين الجزء التامن كمان .

الأستاذة رحمة أحمد ممثلة وجميلة ومش بتصتنع ولا بتأفور كونك شايف أن الدور كبير عليها خلاص أبقا مثل أنت وورينا شطارتك ،وكونك مش عجبك حد أنت ممكن تنتقده بشكل غير مهين ولا يقلل منه ولا يضعف من عزيمته محدش فارض عليك حاجة التليفزيون فيه حوالي ١٠ الاف قناة وحوالي ٥٠ مسلسل دا غير الأفلام .

أستاذة رحمة دمها خفيف ولذيذة بتذاكر وبتشتغل على نفسها كاست المسلسل كله بيساعد بعضه محدش بيكون أيقونه بين يوم وليلة ومسلسل الكبير هيفضل مسلسلي المفضل وأستاذ أحمد مكي شابو ليك ولأختيارك كاست المسلسل.

نفادي بيقول قلشات بتخليني أضحك وأنا ماشية في الشارع لما بفتكرها لوحدي ودا دليل أن المسلسل ناجح عاش مبسوطة بيهم .

 

بالنسبة لأن نرنورة ديمقراطية وعمرها مفرضت رأيها عليكم فعملنا استطلاع رأي بسيط عن المسلسل وقالولنا ان أحمد مكي شاطر وبيقدر يعمل أكتر من شخصية ودا الي هما اتعودوا عليه منه فهو مش مقصر ورحمة أحمد لسة دمها خفيف والدور لايق عليها ولكن هي أفورت سيكا لكن في المجمل المسلسل جميل وبيضحك زي ماهو متحرقش ولا حاجة .

ودي كانت نهاية مقال استنوني مقال جديد