كتبت-نرنورة:
أقرأ المقال دا وأتقل 🤌🏻
مع احترامي للفنانة شيرين رضا بس اتقل على أيه مانا من حقي أعرف يعني ماهو مش هتقل وخلاص ولكن الإعلان برعاية التقل صنعة .
أستاذ عمرو دياب مكفاية حلاوة بقا يا فنان وبعدين أنا والله نفسي أجي لكن الفلوث؟؟؟ أجيبها منين ؟؟ أنا عارفة أن هناك هحب الحياة والله دا انا حبيتها لمجرد صورتها ولكن أنا في العجمي سيتي هنا والدنيا زي الفل لو تتكرم حضرتك وتيجي أنت هتكون خطوة جميلة منك والله،ومنقدرش أبدًا ننكر الإضافة الجميلة الي حضرتك بتضيفها لإعلان فودافون كل سنة ،فلو تعرفلنا شيرين عاوزنا نتقل على أيه هنكون شاكرين ليك جدًا .
الفنانات "هدى المفتى""تارا عماد""هاجر احمد" أنا حقيقي ممتنة جدًا لوجودكم عندنا في الشاشة والجمال المصري يكسب فعلًا وأحلى أوتفيت منكم والله طرش الطرش يعني .
"حسين الجسمي" كل سنة عظمة أكتر من الي قبلها مش ممكن والكلمات مع صوته مع الألحان بتخليني عاوزة اقوم احضن كل الناس واكلم أي حد مكلمتهوش من ايام الkg .
أستاذ أحمد عز أيه الحلاوة دي لأ مش حلاوة الإعلان حلاوة حضرتك بجد أنت كل مبتكبر بتحلو مش كدا وسيبك من شوية الفيمنست الي بيقولوا ان لو عندهم جار زيك بيرخم عليهم ومش عارف ايه مش هيعجبه بيه دا كلام في الفاضي أحنا بنحبك يا فنان وياريت تيجي تبقا جاري والله دا كفاية اصطبح بوشك كل يوم كدا مش عاوزة حاجة تانية من الدنيا ،ياسمين صبري إضافة لذيذة ياريت نقدم إعلانات أكتر وفكك من المسلسلات متكرره ومش أحسن حاجة .
"دنيا سمير غانم" انا سمعت كلامك واترمضنت والله والميد تيرم جه طلع عليا كل الي اترمضنته ، وبجد بحس ان أستاذة دنيا ليها إضافة من بتاعت زمان كدا زي نيلي وشيريهان والفوازير يعني بعيدًا عن اي حاجة بتحسسني برمضان بجد وبالفن الجميل وبحب ملامحها جدًا ،وسؤال بسيط يا فنانة هو حضرتك خسيتي كدا ازاي؟
"روبي" معتمدة فريش وفرافيش من ايام رمضان ٢٠٢٠ لدرجة مبقيتش قادرة اشوفك في إعلان تاني خلاص وليا عندك سؤال بردو ؛هو حضرتك اييضيتي أزاي؟
تعليقات
إرسال تعليق