كتبت:- ندى أشرف
كل سنه وانتوا طيبين وبخير بمناسبة ان العيد قرب خلاص تعالوا نعمل احلى بيتي فور بالزبدة ويطلع زي بتاع المحلات واحلي كمان.
المقادير:
4 كوب دقيق
2 كوب زبدة
1 كوب سكر بودرة
1 عدد بيض
2 عدد صفار بيض
2\1 ملعقة صغيرة فانيليا
4\1 ملعقة صغيرة بيكنج بودر
مربى اي نوع للتزيين
شيكولاتة سايحة بيضاء وغامقة للتزيين
فورماسيل ألوان للتزيين
جوز هند للتزيين
طريقة التحضير:
اول حاجة هنجيب حاجه غويطه ونحط فيها الزبدة مع البيض والفانيليا ونقلب كويس لحد ميبقي قوامها كريمي خالص وبعدها نحط عليهم الدقيق مع البيكنج بودر حبه حبه لحد ماتتجانس المكونات مع بعضها.
تاني حاجة هنعمل البيتيفور بالأشكال ال نحبها وندخله الفرن لحد مايستوي خالص.
تالت حاجه بقى ودي التركاية المهمة اننا نسيب البيتيفور يبرد خالص وبعدها نبدء نزينه زي ما احنا حابين وبالف هنا وشفا على قلبكم يا حبايبي.
تعليقات
إرسال تعليق