سهرة الخميس

"

أنه يوم التجمع الخاص بكلتا العائلتين ،عائلتي وعائلة "عز" ،أهٍ كم تمنيت في يوم أن يصبح يوم تجمع لثلاث عائلات ،يوم نودع فيهِ أناوهو والدينا  

نشترك في شلة نعناع واحد نقطتف منها كل يوم ورقتان لنضعهم بأكوابنا ونتناقش في مصروف البيت ونوع غداء الغد، لم أرتدي شيئًا مميزًا تلك الليلة اكتفيت ب"سلوبيت مارد وشوشني" ووضعت رابطة الشعر التي أهداني أياها في عيدميلادي السابع ،أتذكر ثمنها كان جنيهًا ونصف وأتذكر أنه أمتنع عن شراء الحلوى لأسبوع ليأتي لي بها ويأمرني بأن أغمض عيناي ليقبلني في وجنتي ويعطيني أياها بعيون المُحب متغزلًا في طوله قائلًا"كانت عجبتك وأحنا مروحين من المدرسة الشهر ال فات حوشت وجبتهالك ....ابقي اعملي بيها ديل حصان على طول عشان بيكون حلو أوي".

ليقطع حبل تلك الذكريات الجميلة صوت أمي وهي  تناديني  استعجالًا:

_يلا يابنتي طنط "آمال"بتقولك الشاي برد وبباكي سبقنا كل دا اكيد مركزة في الزفت التليفون

_ بسرح شعري والله ،يلا .

في بيته 

_كل دا تأخير ؟

_كنت بسرح شعري 

_أه طبعا مكواه بقا لحد مشاط كلنا عارفين المكنسة

*ثم نظر إلى رأسي ولمعت عيناه لابد أنه تذكر شيئًا*

 

_لسة عندك؟

_لسة فاكر؟

_حرمت نفسي من المولتو أبو الشيكولاته أسبوع عشانك ...ودلوقتي متجمد من البرد في بلكونة مستنيكي وبردو بتتأخري متستاهليش .

_فعلا مستاهلش مستاهلش طولة لسانك ياقليل الذوق .

_اقعدي بقا هشغلك عبدالوهاب ال بتحبيه وتسمعيني

_اسمعك انت ولا عبدالوهاب؟

_كنسل الأغنية...دلوقتي أنا مش عارف ليه بعد مكنت حاسس بمشاعر نحيتها حاسس ان مفيش حاجة يعني بقيت عادية كدا مش عارف 

_أنت بتجرب يعني ولا ايه؟

_ليالي متعصبنيش بدل مش هحكيلك حاجة 

_كمل

_يعني هي بدأت تلمح كدا بس انا مش عارف يعني عايز اخلع بصراحة مش حاسس انها هي لا 

_امممم تسمع بنصيحتي؟

_أه ماشي اتفضلي انصحيني قوليلي بقا اتجوز واحدة بنت حلال والي أمك جيباها كويسة ولازم تفرح أهلك بيك وكل كلام بتاع امي دا وهي اصلا تلاقيها متفقه معاكي اه مانتي خلاص بقيتي بتعملي عليا حوارات معاهم بعد مكنا احنا ال بنعمل حوارات عليهم 

_شششش اسكت فرجت علينا جيران بعدين مش هقولك كدا وحياة ربنا ياخي انت ايه

_اتفضلي قولي...ولا اقولك مش عاوز اسمع يا لي لي انا داخل انام امشي يلا واه بكرشك من البيت يلا امشي .

_بالكرسي وفي دماغك مش عشان سكتالك تستعبط في أيه

_عصبتيني

_اهدا .....يا عز مش كدا حبيبي أنت السبب ال بيخليك متكملش مش أنك وحش ولا أنك حظك وحش ولا بوزي الفقري ولا أنك متطاقش بالرغم من أنها حقيقة بس لا بردو ....السبب الوحيد أنك مش بتعرف تختار ومتقوليش لا بعرف اختار ولا بعرف اتعامل .

عز أنت مبقيتش صغير ٢٣  سنة  المفروض يكون محدد أهدافه ويشتغل عليها ضيعت من عمرك كتير أوي أوي يا عز ...أنت آناني متبصليش كدا أيوة آناني ووقت مبتيجي تحب مبتفكرش غير في الحب وفي نفسك وبس مبتدورش غير على الحاجات ال تخليك مبسوط والسهر والخروجات واللعب والتصوير والكلام والضحك والهزار لكن عمرك مفكرت في ال بنت ال هتتجوزها دي المفروض يكون بيئتها أيه مناسبة لأهلك ولا لا ولا يعني عاوز تعيش الحقيقة والسراب ولا نسر الصعيد ....لازم تختار البنت ال تحس أنها هتقف جنبك وتسندك ال تخاف عليك ال تقدرك الآمان أهم بكتير من الحب الدفا ال في بيتنا وال في بيتك رغم ٧٠ خناقة بين بابا وماما عمرهم مفكروا ينفصلوا عمر الزعل مبات بينهم ليلة ....رغم أن بابا علاقات شغله كلهم ستات إلا أني عمري مشوفت ماما بتغير عليه منهم لأنها واثقة في مكانتها عنده ....رغم كام صاحب لبابا بس مبيقدرش يأخد قرار إلا لما يسمع وجهة نظرها ودا مش عيب ولا راجل ست مراته ممشياه دا راجل قدر يختار ست تشاركه في حياته كلها وبردو بيحبها لأنه لو مش بيحبها مش هيستحمل تحكيله قصة المسلسل ولا هيشلها في عز تعبها ولا هيغفرلها الأخطاء الكبيرة

 *الحب لازم يكون موجود بس مينفعش يكون لوحده* اللهفة والأشتياق الغزل والمرح والسعادة لابد منهم بس الأهم التفاهم وال تشوفك أحسن حد في العالم رغم أن في الأحسن والأحسن والأحسن مليون مرة كمان ...أتمنى تكون فهمتني صح .

_بتحبيني؟

_يارتني ماتكلمت ...أكني بتفخ في أربة مقطوعة.

 

"أمسك بيدي فأفلتها في غضب ونظراتي تمتزج بالغضب والحب"

*قلبها ينضج مشاعرها ترتجف عيونها تلمع*

_ردي عليا

_لا

_ليه 

_لأنك عمرك مشوفتني كفاية عمري مهقدر أحس معاك بالأمان حتى لو اقسمتلي كل يوم على دا حتى لو كنت بحبك مش هرمي نفسي في دايرة نارك 

_ناري؟....للدرجة دي شيطان؟

_مش شيطان ...بس طفل لعبي بيحب يلعب بالكبريت ويرميه مولع ولو ملحقش يطفيه لازم يعرف أن النار هتكبر وهتأكل كل حاجة من حواليه هتاكله هو شخصيًا

_يعني ايه

_يعني تصبح على خير مش هقدر افهمك اكتر من كدا 

_ليالي  استني

_هاه؟

_ليالي لو فكرنا في كل الكلام ال قولتيه مش هنلاقي حد ينفع يكون غيرك انتي. 

_وانا قولتلك أن أهم شئ هو الأمان ودا مبحسش بيه 

_ازاي ازاي بجيلك انتي انتي وبس 

_ولما بتقرر تحب بتتجاهلني انا... انا وبس ياعز.

*ليت كل ما نريدة هو قطفة من زرعة النعناع لتغير طعم الشاي ليت كل مانرجوه لم يحرقنا كأعواد الكبريت التي ألقاها فور إشعال سيجارته*   

#نرنورة.

#نورإيهاب

 

#ليالي_وعز