خليك ملك رقعة حياتك

 كتبت رؤية وائل 

النهاردة انا جاية اعلمك حاجه لو عرفت تمشي بيها في حياتك هتلاقي فرق كبير، انهاردة انا هعلمك أساسيات الشطرنج وهقولك كل حاجه فيها بتعمل اي وتتحرك ازاي وترتيبها بالاولويات.

خليك فاكر ان لعبة الشطرنج دي كانت لعبة الملوك وأنهم كانوا وخدنها استراتيجية حياتهم يعني قبل متحرك اي وااحد علي ارض اللعبة لازم تفكر وتحسبلها كويس اوي ومش بس تفكر في حركاتك انت لازم تفكر في حركات اللي بيلعب قصادك وتفهم دماغه وتفكيره عشان في أي لحظه لو فقدت تركيزك… " كش ملك "

اولا لازم تفهم ان رقعة الشطرنج دي هي حياتك، هي ماضيك وحاضرك ومستقبلك يعني لو انت اتحركت بلاطة في الماضي مش هتعرف ترجع فيها تاني فلازم تفكر كويس اوي قبل ما تتحرك في الحاضر وتحط خطة تمشي عليها ل

في المستقبل عشان ان محطتش خطة ودخلت تضبش مش هينوبك غير… "كش ملك"

رقعة الشطرنج مكونة من 64 بلاطة 8×8.

وفي لعبة الشطرنج مفيش حد اقل اهمية من حد بس بتترتيب أولويات بمقدرة كل قطعة علي الرقعة.

نبدأ بالجندي..

•الجندي من اول حركه يستطيع يتحرك بلاطه او بلاطين، ومع تاني حركه يتسمح له انه يتحرك بلاطه واحده بس قدام.

( مينفعش لا يمين ولا شمال ولا ورا )

•الجندي يعرف يأسر منافس بالورب بس.

•الجندي لو وصل لاخر صف للمنافس تقدر تغيره بوحدة من القطعه القوية.

⊙مبدأ الأخذ بالتجاوز..

ممكن الجندي يأسر جندي تاني جنبه لو اتحرك بالورب قدامه، وكان في الخط الخامس، ولازم يكون الجندي اللي هيتأثر يكون اتحرك أول حركة له بلاطين.

 ثاني قطعة عندنا الحصان..

•الحصان بيتحرك بشكل حرف L يمين او شمال او ورا او قدام.

•الحصان من حقه يقفز فوق القطعة.

 ثالث قطعة عندنا هي القلعه..

•القلعه ممكن تتحرك بشكل طولي أي عدد انت عاوزه سواء قدام او ورا او يمين او شمال.

رابع قطعة عندنا الفيل..

•وده بيتحرك بالورب أي عدد.

خامس قطعة الوزير.

•ممكن يتحرك بالورب أو بالطول اي حاجه هو عايزها واي عدد بردو.

سادس قطعة وهي أهم قطعة والمطالب انك تحميها وهو الملك.

•الملك يقدر يتحرك مربع واحد بس حوالين المربع بتاعه. بالرغم انه ملك الا انه اقل واحد ممكن يتحرك.

⊙ نظرية التبييت أو التحصين.

•الملك والقلع لو على نفس الخط الملك يقدر يتحرك بلاطين والقلعة تيجي قبله سواء شمال او يمين بس لازم ميكونوش اتحركوا قبل كده.

شروطها..

•كل لاعب يحق له يلعبها مرة واحدة بس.

•لا يُسمح للملك بعمل التبييت إذا كان مهدد بالكش ملك.

•لازم الملك يتحرك الاول قبل القلعة، لو القلعة اتحركت قبل الملك يخسر اللاعب النظيرة وتُبطل الحركة.

وهناك طرق للفوز..

•في وضع الكش مالك..

لو كان خلاص اي حركة يتحركها الملك تخسره.

•الانسحاب لما ما يكونش فيه حل وكان لكل لاعب وقت معين يلعب فيه والوقت يكون انتهى.

المغزى مش انك تتعلم الشطرنج المغزى انك تتعلم تدير امورك وحياتك مش مجرد لعبة.