"بعض الأشياء تظل جميلة منذ البدايه حتى نهايتها وذلك عندما نحسن اختيارنا وتعاملنا معها"

كانت آخر جمله تقراها اسيل قبل ما تقفل رواياتها 

اسيل : ياترى ايه اللى ممكن يحصل لو الإنسان حاول يسيطر على اى حاجه فى حياته خصوصا مشاعره 

ادم : أي حاجه هتحصل للإنسان وهو مسيطر ومتحكم فيها بيكون ليها طريقه وحبكة مظبوطه بيكون ماشى بيها وأي حاجه بيختارها بردو بتكون كدا

اسيل : بس الإنسان مش دايما بيقدر يتحكم في أفعاله ولا حتى مشاعره عشان يسيطر عليها 

 ادم: احنا كا لايف كوتش لازم نكون مقتنعين تماما أن مفيش حاجة اسمها مش دايما كل شخص جواه طاقه جواه قرار جواه حروب مش بتنتهى وهو الوحيد اللى يقدر يفوز ويكون بطل كل حرب 

اسيل : طب ياسيدى يلا عشان نحضر  المحاضرة ولا عاوزهم  يقولوا علينا لايف كوتش غير منظمين

ادم: لا طبعا اتفضلى يلا بينا 

نيرة : انا متحمسة اوى انتوا عارفين بفضل  مستنيه يوم المحاضرة بتاعت اسيل وآدم ازاى هما من اشطر الناس حرفيا 

امجد: حابب أسأل عن حاجه . هو احنا ليه بنحب ؟.

تاليا : احنا بنحب عشان نعيش الحب ده سنة الحياة وأحسن حاجه فى الدنيا بس الأهم انك تختار الشخص الصح 

نديم بعصبيه: لا لا مفيش حاجه اسمها حب مفيش حد عاقل يعلق نفسه بحد ويديله قلبه  ومشاعره واهتمامه كل ده مجرد كلام وعبارات فى كام روايه وقصص وهميه عمرها ما هتبقى حقيقه 

تاليا: نديم انا كنت بس عاوزه اقول ان قاطعها نديم بحده

نديم : تاليا مفيش حاجه اسمها بشر يحب بشر تمم 

نيره : يا نديم الحب ده ميزه بس المهم انك تختار صح ترتاح مع الشخص الصح تحس بروحك وبقلبك وبكيانك مع الشخص تحس بالتغير مع الشخص الصح 

أمجد : نديم الحب ده هو الشريان الرئيسى فى جسم كل واحد فينا مجرد ما الشريان ده يتقطع هيكون الإنسان مات والحب كده الحب هو الشريان اللى بيه الدنيا ماشيه حبك لشخص حبك لأهلك لشغلك لشغفك 

تاليا: الاهم من كل ده حبك لنفسك يا نديم اهتمامك بيها انك تصالحها تحبها تدلعها لو لزم الأمر مفيش عدو للإنسان غير نفسه والشاطر هو اللى يحب نفسه بجد . 

وفى وسط النقاش كان فيه اللى بيسمعهم بفرحه وإحساس بإن فعلا هما نجحوا فى تغيير فكره البعض منهم 

اسيل بفرحه : عاملين ايه يا أبطال من الواضح كده بعد الكلام الجميل ده أن انتوا اللى بقيتوا لايف كوتش مش احنا 

تاليا: لا طبعا ده كل الفضل ليكى ولأدم  

اسيل : طب يلا يا أبطال نبدأ 

" فى العلاج والطب النفسى أحيانا التحفيز الإيجابى بيكون فرصه وطريقه للعلاج وبيكون أقوى فاعلية وأعلى ماده تركيز لأنه نابع من القلب". 

امجد: هو لازم الإنسان يكون عايش بأكثر من شخصيه؟. 

ادم: بص انت بتاكل فاكهة ليه بتقشر الفاكهة من برا 

أمجد : عشان الفاكهة من جوا بتكون احسن واحلى 

ادم:  زى الإنسان يعنى من جوا بيكون شخصيه ومع الناس شخصيه ومع مرايته شخصيه ومع اللى بيحبهم شخصيه ومع اهله شخصيه ومع صحابه شخصيه كل شخصيه ليها قصه وكل شخصيه وليها حكايه 

تاليا: ومين بطل كل الشخصيات دى؟ 

اسيل: بطل كل الشخصيات دى هو شخص واحد بس  هو اللى يقدر يتحكم فى كل الشخصيات دى 

نديم : بس معظم الشخصيات مينفعش نتعامل معاها 

ادم: ليه مع أن كل إنسان لازم يقابل شخصيه مختلفه يتعامل معاها الاختلاف بيعمل تجديد والتجديد بيعمل نشاط لكن انت لو بتتعامل مع نفس الشخصيه طول الوقت وفى كل وقت ده هيحسسك بملل مش هتحس بطعم الدنيا ولا الحب 

نيرة : الوقت بينسى هل ده صح؟.

اسيل : انتى لو جعانه وقولتى مش هاكل دلوقتى هاكل كمان ساعه لما تعدى الساعه دى هل هتنسى انك جعانه 

نيره: بالعكس هكون عاوزه اكل جدا 

اسيل : نفس المنطق انتى بتقولى الوقت بينسى مفيش جرح بيتنسى مفيش كسرة بتتنسى ممكن تنسى الشخص بس انك تنسى انك اتجرحتى دى استحالة تحصل مهما كان بس احنا بنقنع نفسنا أن الوقت بينسى 

" مهما زاد الوقت لما أنسى حب بدأ في قلبى وانتهى بكسره لهذا القلب".

طبعا ادم منبهر بكلامها كلامها بيدخل القلب هو بصراحه بيحبها من ساعة ما بدأوا يشتغلوا سوا بس ياترى هى بتحبه؟

تاليا وهى توجه نظرها لنديم: هو ف حد يقدر يحب وازاى اعرف انى بحب 

 ادم: مفيش حد ميقدرش يحب بس أهم حاجه انك قبل ما تدورى على حد تحبيه لازم تحبى الشخص اللى موجود في مرايتك. قاطعته اسيل وقالت 

اسيل: بصى بالنسبه للبنت مينفعش تفضل قاعده موقفه حياتها ومستنيه الفارس أبو حصان ابيض المفروض أنها تكمل حياتها وتعافر ساعتها الفارس هيجى بس هيمشى جمبها  مش قدامها 

ادم: وطبعا أهم حاجه انك تختاري صح يعنى تختاري اللى بيحبك اللى شايفك حلوه فى كل حالاتك اللى حابب عيوبك كده اللى مش مستنى منك تغيير اللى يتحدى أي حد عشانك اللى يراعى ربنا فيكى اللى يشوفك النور اللى جاي فى عز الضلمه عشان يطمن وينورلك قلبك حاجات مختلفه هتغير معنى الحياه .

بعد انتهاء المحاضرة

ادم : جماعه ممكن محدش يمشى ثانيه انهارده يوم مميز شويه عندى انهارده عيد ميلاد اسيل حبيت احتفل بيه فى اكتر مكان هى بتحبه وأقولها انتى أجمل لايف كوتش حرفيا 

" جمالك مش بس فى الشكل انتى جمالك صفه وراثيه وحكمه وجدانية تخلينى ادور ليها على تفسير "

حرفيا انتى من الناس اللى تدخل القلب بسرعه وبما انك معاكى تصريح بدخول قلوب البشر أحب أن يكون معاكى تصريح بدخول مملكتي وقلبى 

تتجوزينى ....

" حب نفسك وحب روحك حب حياتك أحيانا كل ضلمه بيكون آخرها نور بسيط بيرشد صاحبه خليك انت نور روحك وشريان حياتك"