كتبت: نورهان مسعد
حسن الجندي مؤلف مصري اتشهر بسبب ثلاثية " مخطوطة بن إسحاق" و هي اللي خلدت اسمه في مجال الرعب.
وُلد حسن الجندي في محافظة القاهرة بتاريخ 26 مارس سنة 1989، و درس في جامعة عين شمس في كلية الآداب قسم الدراسات الفلسفية و تخرج منها عام 2010.
ناس كتير اعجبت بطريقته في الكتابة واللي كان بيعمل على تطويرها السنين اللي فاتت، و اللي بتتميز بسهولة تعبيراته واهتمامه بعامل التشويق في الروايات و حرصه على اختيار حبكة درامية مميزة ، لدرجة إن قُراء كتير طلبوا منه أرقام تليفون لعدد من شخصيات رواياته لكن قالهم إنها مجرد شخصيات من وحي خياله.
مين مُلهم الكاتب حسن الجندي ؟
يُقال إن الكاتب اتأثر بروايات الكاتب الراحل الدكتور أحمد خالد توفيق اللي إختار من الرعب و قصص الإثارة و الغموض مجال للكتابة، و خصوصًا سلسلة ما وراء الطبيعة اللي جسد بطولتها الدكتور رفعت إسماعيل.
ومن ضمن الحاجات اللي بتميز حسن الجندي أنه مش ماشي على نمط معين في الرعب بيتناول الرعب في رواياته من مختلف المناظير و بجميع أنواعه، سواء كان رعب تاريخي زي اللعنات اللي بتصيب الأبطال في الأماكن التاريخية زي اللي حصل في رواية مخطوطة ابن اسحاق أو رعب فلسفي.
أسماء بعض مؤلفاته:
رواية الجزار
ثلاثية مخطوطة ابن إسحاق
رواية نصف ميت دفن حيًا
حكايات فرغلي المستكاوي
رواية ليلة في جهنم
رواية ابتسم فأنت ميت
لقاء مع كاتب رعب
رواية العائد
منزل أبو خطوة
رواية الرصد
رواية أيام مع الباشا
أجدد مؤلفاته: اذكار الموت
تعليقات
إرسال تعليق