كتبت: نورهان مسعد
الحكاية كلها بدأت لما صابر قرر يساعد بنت مصابة من جن عاشق، و اللي القدر جابه لحد مغارة في بطن جبل في الصحراء، ولكن بمجرد دخوله المغارة بيكتشف إن الموضوع اكبر منه بكتير و الموضوع فيه كيان مرعب وقوي جداً لملك من ملوك الجـن اسمه "قزح" و اللي بيحاول و يتجرأ و يدخل مغارته بتكون مشكلة كبيرة جدًا ليه، لكن الأخطر السر اللي بيحتفظ بيه قزح؛ وده اللي احنا عايزين نفهمه ايه السر ورا المغارة دي؟ و ايه الرمز اللي على شكل شجرة اللي ظهر على ايد صابر؟
واحدة واحدة السر بدأ يكتشفلنا، وده لما بيبدأ الدكتور الجامعي و اللي بيكون واحد من قادة الحرب الأخيار، بيكشفلنا جزء كبير من الغموض اللي حوالين تابوت العهد.
طب ايه هو تابوت العهد؟
مبدئيًا " تابوت العهد" ورد في العهد القديم و الجديد، و اتذكر بإسم "تابوت السكينة" في القرآن الكريم و اللي بالمناسبة اتذكر في كل الأديان السماوية ، و هو من مُكتسبات بني إسرائيل في عهد سيدنا "مُوسى" عليه السلام.
وهو عبارة عن تابوت مصنوع من نوع من الخشب اسمه السنط ومطعم بالدهب، نزله ربنا على سيدنا طالوت وده ملك من ملوك بني إسرائيل.
بعد كدا الدكتور بيقولنا إن بعد ما اختفى التابوت ده ، لقاه ملك فرعوني متمكن في أمور السحر، واستخدم المعلومات اللي جوا التابوت وعمل كتاب قوي بيتمكن في أمور الحروب و الكتاب ده سماه " الحياة و النهاية"
وبنسبة لرمز الشجرة اللي ظهرت على ايد صابر ظهر لان صابر لما حط أيده على الطلاسم اللي كانت في المغارة أخد كل الرموز اللي هتفك شفرة الكتاب بتعاويذه بكل حاجة.
طب وهما ليه عايزين ابن صابر؟
لو دققت النظرعلى الكلمات المكتوبة على الورقة اللي مع صابر وجمعت حروفها هتلاقي مكتوب "الولد المختار ابن الانس والجن مفتاح الكتاب"
يعني ابن صابر المداح هو الطفل المختار وهو مفتاح كتاب الوعد وهو مفتاح المقبرة اللي فيها تابوت العهد اللي الكل بيدور عليها.
واستنونا الاسبوع الجاي مع تحليل اكتر لتفاصيل المسلسل❤️
تعليقات
إرسال تعليق