كتبت / ميسرة محمود
-قوم يا ابني يلا ننزل نخرج
=لا مليش نفس
-مالك في اي انت علي طول كده مكتئب و كئيب و مش عايز تعمل حاجة
=يعنى هو بأيدي يعني مثلاً و انا اصلاً مطلبتش منك مساعدة انزل اخرج انت
- ما هخرج انا فعلاً مش هقعد مع حد كئيب زيك
الجملة دي كسرت قلبي و زادت من وجعي ان محدش حاسس بيا و لا عارف انا بمر بأي
المشهد بشكل تاني
-قوم يا ابني يلا ننزل نخرج
=لا مليش نفس
-مااك في أي يا واد الجميل زعلان لي
=مش عارف فجأة كده بحس اني تعبت خلاص و المشاكل بتزيد مش عارف افوق و تعبت من كتر الزعل عايز افرح او يمكن انا مش عارف مالي متلغبط اوي و كل الناس فاكراني كئيب و انا مش كده انا محدش فاهمني
- هو ده بقا اللي مزعلك اوي كده ، بص يا ابني مفيش حياة وردي طبيعي يجيلك وقت تنهار و ترجع و تكتئب مفيش حد مبيزعلش و لا علي طول فرحان دي حاجة طبيعية
- خد وقتك في الزعل و اعمل اللي نفسك فيه المهم يريحك و انزل و اخرج شوف عقلك و نفسك عايزين اي و اعملوا عشان تخرج من ده و انا معاك و هساعدك و يلا قوم البس عشان ننزل هعزمك عزومة ملوكي
=علي حسابك ؟
-علي حسابي يا عم قوم بقا
*ساعات بنحتاج اللي يسمعنا بس و يمدلنا أيد المساعدة ، في المشهد الأول: تصرف الشخص ممكن يخلي حالة الشخص الحزين أسوأ و ممكن تعرضه لحاجات خطر ممكن الموت لكن
في المشهد الثاني: ممكن حاجة بسيطة تخرج اللي قدامك من حزنه و اكتئابه .
عشان كده من فضلك لو لقيت حد متضايق او مكتئب قدامك حاول تساعده بأنك تسمعه او تهون عليه و لو مش هتقدر ياريت تمشي في صمت علي الأقل عشان متزودش علي اللي عنده ، و افتكر انك في يوم من الأيام ممكن تبقي مكانه لأنه مفيش حد سعيد طول حياته بس الفرق ساعتها هتلاقي اللي هيساعدك او علي الأقل مش هيزود عليك🤍
تعليقات
إرسال تعليق