كتب :- محمد مسعد
طول عمرنا اتعودنا من الافلام والمسلسلات اللي بنتفرج عليها أنها عمرها ما بتقتبس الامراض بشكل دقيق مية فالمية وبصراحة هي مش مُطالبة بده تمامًا وده ببساطة شديدة يرجع لفكرة أن الاولوية دايمًا للسياق الدرامي
ويمكن من أكتر الامراض النفسية اللي تم اقتباسها في الاعمال الفنية هي ازدواجية الشخصية ولكن طبعًا في كل الاعمال اللي تم اقتباس المرض فيها اتغير كتير جدًا في المرض بحيث أنهم يخلوا الموضوع مثير للمشاهد وانهاردة بقا انا هقولكوا ايه هي بجد ازدواجية الشخصية وهي فصام الشخصية هو وازدواجية الشخصية نفس الشئ؟
مبدئيًا كده لا تمامًا فصام الشخصية و ازدواجية الشخصية حاجتين مختلفين تمامًا لأن فصام الشخصية هو كون الشخص من منفصل عن الواقع بشكل كبير لدرجة تخلي من الصعب أنوا يقوم بالمهام اليومية العادية وده بسبب انفصاله عن الواقع و كونه عايش في عالم خيالي في دماغه وبسبب الفصام ممكن المريض يتعرض أنه يشوف اوهام و تخيلات كتيرة جدًا تخلي من الصعب الفصل بين الواقع و الخيال وده السبب اللي بيخلي فصام الشخصية من الإضطرابات العقلية الشديدة
اما ازدواجية الشخصية هو إضطراب عقلي ينتج بسبب صدمة شديدة بيتعرض ليها الشخص في طفولته والصدمة ديه بتخلي عقل الشخص يخلق شخصية أو اكتر كمنفذ للهروب من الواقع الاليم اللي عايش فيه الشخص وغالبًا الانتقال من شخصية لتانية بييجي فالفترات اللي بتتعرض فيها شخصية لضغط شديد فالعقل بينتقل على طول للشخصية التانية واللي بتكون شخصيتها وتصرفاتها ممكن تكون عكس الاولى تمامًا وممكن تكون مقتبسة من حد الشخص ده يعرفه ممكن الحد ده يكون هو اللي أذاه وممكن تكون الشخصية التانية مبنية على حد ساعده في حياته وفي الحالتين الاولوية للعقل بتكون الهروب
ومش شرط الشخصيتين يكونوا عارفين بوجود بعض في حالات مش بتكون عارفة بعض تمامًا ولكن لازم نيجي للسؤال الاهم في اي مرض هل فيه علاج؟
مفيش علاج بالادوية للمرض ده ولكن فيه علاج نفسي طويل الامد بيعتمد بشكل تام على إدراك المريض حالته وتفريغ الصدمات النفسية اللي هو اتعرضلها في حياته عشان يكون قادر أنه يتخطى المشاكل اللي هو فيها لأن في الاول وفي الاخر زي اي مريض نفسي هو ضحية حياة قاسية وصدمة قاسية وعقله استخدم استراتيجية دفاع صعبة وهي الهروب
تعليقات
إرسال تعليق