فقدان الشغف

كتبت / ميسرة محمود

-طبعا انت دلوقتي فاتح و بتقرأ المقال بتاعي و انت وراك حاجات متراكمة قد كده صح؟ 🤣

= اي ده عرفت منين

-عيب عليك بس عندي سؤال انت بتعمل كده لي ؟

=مش عارف شوية حاسس اني مش قادر و شوية فاقد الشغف و شوية حاسس انه ملوش لازمة خلاص ممكن موصلش

- حلو اوي تعالي أما اقولك بقا كل ده هيوصلك لأي

-انت قاعد دلوقتي بتتفرج علي ناس و بتضيع وقتك عليهم في حين ان كل ده مش هيفيدك بحاجة انك تعرف حياتهم مع انهم كده هما بيوصلوا لحلمهم و انت لا

=مش دايماً بتفرج علي ناس علي فكرة

-يا سيدي عمال تقلب في كل السوشيال ميديا و تطلع من واتس لفيس لانستجرام و هكذا هي هي عمال تضيع في حاجات مش هتستفيد بيها حاجة في حين انك لو مثلاً خدتها واحدة واحدة مثلا عشر دق يا سيدي ساعة من يومك كله احسن من مفيش خالص .. لو انت بتذاكر فصفحة او اتنين احسن من انك متعرفش المنهج بيتكلم عن اي

و لو قومت اتفرجت علي تعليم حاجة نفسك تتعلمها شوف ده هيفرق معاك قد اي ما بالك بقا يا صديقي لو قعدت وقت اكتر ده

خد بالك انك ممكن تتحط في مواقف في الكام حاجة اللي انت اتعلمتهم دول يخلوك تتقبل في حاجة كان نفسك تقدم فيها بسبب انك عندك مهارات حتي لو نبذة ..حتي لو مش تقديم لو حد جه سألك انت بتعرف تعمل اي تخيل معايا كده و انت مش عارف ترد اي احساسك؟؟

=لا محرج و وحش اوي قلة ثقة بالنفس

-انت كده فهمت اللي عايز اوصلهولك

علي فكرة لذة الوصول حلوة اوي يا صديقي بتنسي كل تعب

قوم يلا اقفل المقال و اعمل خططك و ابتدي حتي لو عشر دق هتفرق صدقني و خد بريك مقولتش لا بس ركز علي حلمك و حياتك اكتر فكر في مستقبلك لأن مفيش حاجة مستحيلة كله بأيد ربنا و بأيدك

حابة في الاخر افكرك بحاجة "السعي عليك و النتيجة علي ربنا" حتي لو متوفقتش يكفيك المحاولة كده كده النتيجة هتاخدها و لو فاقد الشغف دوس علي نفسك و قوم مفيش وقت للدلع الشغل هينسيك و هتحمد ربنا و تشكر نفسك قدام انك جيت علي نفسك و وصلت

= شكراً انك فوقتني يا صديقى لينا لقاء آخر عند الوصول🩷

تعليقات

المشاركات الشائعة من هذه المدونة

في الثواني الأخيرة.. معلول ينقذ الأهلي ويصعد به لنصف نهائي كأس مصر

كتبت / بسملة خميس شهد اليوم ستاد الجيش ببرج العرب مباراة الأهلي و المصري في الدور ربع النهائي من بطولة كأس مصر. ونجح الأهلي في الفوز على المصري البورسعيدي في مباراة مثيرة حسمها الأهلي بنتيجة 2-1 في الشوط الإضافي الثاني بعد امتداد المباراة لـ 120 دقيقة. انتهى شوط المباراة الأول بالتعادل السلبي بدون اي أهداف بين الفريقين، حيث أن الفريقين لم يقدموا أي شيء يذكر خلال دقائق الشوط الأول. وفي شوط المباراة الثاني، حاول الفريقين افتتاح النتيجة والتسجيل، إلا أنهم نجحوا في الحفاظ على شباكهما خالية من الأهداف حتى نهاية الوقت الأصلي للمباراة. وفي الدقيقة ال 5 من الوقت الضائع من الشوط الثاني أحرز المصري الهدف الأول عن طريق رأسية قوية من مروان حمدي. وكاد المصري من تحقيق الفوز والصعود لنصف النهائي، إلا أن المارد الأحمر نجح في الحصول على ركلة جزاء بعد هدف النادي المصري بدقيقة واحدة عقب عرقلة حسين الشحات داخل منطقة جزاء المصري. وهو الأمر الذي قاد النادي الأهلي للتعادل في الثواني الأخيرة القاتلة من المباراة بعدما نجح علي معلول في تسديد الكرة بنجاح في منتصف الشباك، لتذهب المباراة للأشواط الإضافي...

(حكاوى الطريق)

أنا عم مصطفي حالي زي اي حال مواطن مصري بيجري ورا أكل عيشه علشان يعرف يعيش ويجيب الأكل والشرب والكهربا وكمان علاج الأنسولين لاني عندي السكر وكل الحاجات التقليديه دي طبعاً أنت متخيل اني متجوز وعندي دسته عيال وده توقع غلط أنا عايش لوحدي منكرش أن دي حاجه صعبه بس هي مش وحشه او لحد دلوقتي مش وحشه وبشتغل علي تاكسي ورديه بليل بالذات هتقولي ليه هقولك علشان الليل هادئ وكمان لكذه سبب هنعرفهم سوا ودام المهم إني أنا كمان من صغري بحب جدا اني أتكلم كتير أو بمعني اصح لكاك يعني وكنت بحب القرايه وخصتا بقي سلسله ما وراء الطبيعه ولحد دلوقتي لسه محتفظ بيها بقراها اتسلي بيها كده بدل مانا قاعد لوحدي وبما أني بحب اتكلم كتير فا حبيت اتكلم كتير مع الناس اللي بتركب معايا اهه برده نضيع وقتنا وبرده نسمع حكاوي علي الطريق بس بصراحه يعني فيه حكاوى بتبقي قاسيه جدا علي الشخص وفيه حكاوي بتبقي خفيفه كده وهي دي حال الدنيا يعني ساعات بتبقي مره وساعات بتلين علشان مطولش عليكم ولا تزهقوا مني تعالوا نشوف الزبون اللي جاي ده ونسمع حكايته وقصته بس كان لازم اعرفكم بنفسي لأن مشوارنا طويل وحكايات ملهاش نهايه معلش لو صدعتكم بانا...

يه هيا قصة الزهرة بتاعت روبانزل ؟ كتبت- خلود أحمد كلنا واحنا صغيرين كنا بنحب أوي نتابع أفلام الكرتون وخصوصاً "أفلام ديزني" وكنا دايماً نفسنا نكون زي أميرات ديزني عشان دايماً بيكون عندهم حاجة مختلفة.. ويعتبر اكتر حاجة كانت غريبة هو فيلم"روبانزل" الأميرة صاحبة الشعر الطويل طب يترى إيه سبب الغرابة ده. ف يوم من الايام سقط ضوء من السما ع الارض ونما مكان الضوء ده زهرة عجيبة أوي، وكمان الزهرة دي كانت قادرة ترجع أي عجوز لشبابه وتشفي اي مريض بردو، والزهرة دي كانت محدش يعرف عنها حاجة إلا العجوز"جوثل". بس الزهرة دي كانت موجوده ف مملكة بيحكمها ملك وملكة طيبين، بس ف يوم من الايام الملكة تعبت جامد أوي وقتها الملك أمر كل الحرس انهم لازم يلاقوا الزهرة دي عشان تشفى الملكة. طب ليه"جوثل" كانت عايزه الزهرة دي؟ جوثل كانت ست عجوزة أوي كانت بتروح للزهرة وتغني أغنية معينة عشان تقدر ترجع شباب تاني وترجعلها كل حاجة ف شكلها زي الأول بس اشمعنا الزهرة دي؟ هقولكوا الزهرة دي الشعاع اللي كان بيخرج منها كان شعاع سحري قادر انه يعمل حاجات كتير أوي ويخلي الشخص اللي معاه الزهرة...

YEN

بحث هذه المدونة الإلكترونية