كتب :محمد هشام
في حديث بين صديقين سأل الاول الثاني "بتاكل فول ؟'
و رد عليه "يعم هو ده سؤال ده انا بفطر بيه كل يوم"
ثم ذكر الاول و هو يهدف للوصول لنقطة معينة "طب عمرك سألت نفسك ليه مصريين كتير بيجيلهم فشل كلوي او امراض الكبد" فيرد عليه الثاني في تعجب "يعم اي علاقة ده بالفول الأمراض دي وراثية" و قام الاول بالرد عليه في انفعال بسيط يدل على تاثره بالموضوع"عارف انها وراثية بس هقولك معلومة تسوية الفول بتحتاج ما لا يقل عن ٥ ساعات تقدر تقولي ازاي بقى بنلاقي المطاعم و العربيات بيسو اكتر من قدرة فاليوم ،مفكرتش فمرة انهم لو استهلكو غاز او طاقة عموما طول الفترة دي هتكلفهم كتير ،انا بقى جاي اقولك السر" .
و السر ان فيه مادة اسمها ايديتا EDTA أو "ثنائي أمين الإيثيلين رباعي حمض الأسيتيك"هي مادة يتم تصنيعها كيميائيًا ويرمز لها تجاريا بالرمز ،E385 و بيتم وضعها على الفول علشان تسرع تسويته و تجهيزه و بيتم توفير الوقت و الطاقة على حساب صحة الناس و من اضرار المادة :
- توقف نشاط انزيمات الكبد
- تؤدي إلى ارتفاع نسبة الكرياتين واليوريا في الدم
- الفشل الكلوي وتليف الكبد
- قشعريرة، حمى، أو صداع
- تجلط الدم في الوريد.
-انخفاض مستويات المغنيسيوم والبوتاسيوم في الدم.
-الإسهال، والتقيؤ، أو الغثيان.
-الإعياء.
-مستويات غير طبيعية للكالسيوم في الدم.
-صدمة الانسولين.
-عدم انتظام ضربات القلب
و بعد كل ده اكيد مش الهدف انك متاكلش فول بس كل منه بكميات صغيرة او يفضل انه يتعمل فالمنزل و طريقة عمله فالمنزل بتبقى كالاتي:
-يُنقع الفول مع نصف كوب من القمح ممكن ليلة كاملة وفي حالة الاستعجال لتحضيره يمكن تحضيره لـ6 ساعات.
- يصفى الفول والقمح ويغسل جيدًا لمدة 3 دقائق.
- ثم يجهز جزرة مبشورة، حبة طماطم مقشرة ومقطعة، ليمونة مقطعة، 2 ملعقة كبيرة من العدس، عرق كرفس أخضر مقطع.
- يوضع الفول المغسول وكل المكونات السابقة داخل الوعاء المخصص لتدميس الفول.
- يغطى الفول بالماء ويرفع على نار متوسطة حتى الغليان، ثم تخفض النار لأقل درجة.
- يتابع الفول كل ساعة حتى يزود بالماء الساخن إذا أوشكت الماء التي أضافت له على الجفاف.
- يستغرق الفول حوالي 5 ساعات أو أكثر لتمام النضج
و اهم حاجه ان اصحاب المطاعم لازم يعرفو ان هما مسؤولين عن كل الناس اللي بيجو ليهم و انهم لازم يكونو قد ثقة الناس دي و ميضرهمش لاجل المكسب و برضو من واجبك انك لما تاكل حاجه من برا بيتك حاول تكون حريص على معرفة طريقة تحضرها و مصدرها و لو مش هتقدر تعمل كدة فيفضل تكون كمياتك صغيرة
تعليقات
إرسال تعليق