كتبت فريدة محمد .
هنتكلم عن ثقافات الشعب التركي من حيث الفلكلور و الدين و العادات و التقاليد و الأعياد و طرق الاحتفالات عندهم
و أشهر الأكلات التركية
و أول حاجة ممكن نعرفها إن الديانة السائدة في تركيا هي الديانة الإسلامية و بيهتموا دائما بتشييد المساجد و لها عندهم طراز خاص و شكل مميز و أشهر مسجد في تركيا اسمه المسجد الازرق و يسمى في تركيا بأنه قطعة من الجنة و تم بناؤه بطريقة جذابة و مبهجة عشان يشد المسلمين إنهم يروحوا يصلوا و مايبعدوش عن ربنا و بداخل المسجد دروس تحفيظ القرآن و دروس دينية ممولة من الدولة و ليهم احتفالات خاصة في رمضان زي إنهم بيعملوا احتفالات في فناء المساجد و توزيع الحلويات ولكن مش على الأطفال بس بيوزعوا الحلويات على الكبار كمان و من أشهر الحلويات الرمضانية في تركيا هي البقلاوة و اسمها بالتركي (baklava)
و بلح الشام و اسمه بالتركي( tulumba )
و طبعاً الشاي من المشروبات المقدسة في تركيا وتعتبر تركيا من أكثر بلدان العالم استهلاكاً للشاي بحصيلة فردية تصل سنوياً إلى 2.3 كيلوغرام فيما يعادل 1300 كوب في السنة.
و لو ليك أصدقاء في تركيا في حاجات ماينفعش تعملها لو رحت تزوره أولاً كدة لما يضايفك بشاي مينفعش ترفض دي تعتبر قلة ذوق عندهم لو عملتها و ماينفعش تدخل الجامع من غير شراب و لو عملت كدة كل الناس هتستنكر الفعل و ممكن حد يديك شراب عشان محدش يكلمك.
نتكلم عن اللغة التركية شوية اللغة التركية مش صعبة خالص و اي حد يقدر يتعلمها بسهولة و معظم لغتهم في كتير جدا من اللغة العربية
زي ايه ؟
1. مشترك müşterek
2. مع الاسف maalesef
3. مدني medeni
4. نقد nekit
5. ساعة saat
6. ساحل sahil
و حسب الأبحاث عدد الكلمات التركية المن اصل عربي 6 ألاف و 467 كلمة و الاتراك في الأساس كانو بيستخدمو الحروف العربية في الكتابة لحد عام 1928 و بعدها بدأوا يستخدمون الحروف اللاتينية و يصعب علي الاتراك تعلم اللغة الانجليزية و نقط كلماتها صعب عليهم و بيعتزو جداً بلغتهم بس بيفتخرو جدآ باللغة العربية و بيسعي كتير من الأتراك لتحدث اللغة العربية نظراً لأنها لغة القرأن و معظم الاتراك مسلمين
و الاتراك من اكتر الدول المحافظة علي العادات و التقاليد و من أهم عاداتهم
1. تقبيل يد الشيوخ و كبار السن و الوالدين
2. التحية علي الاهل و الجيران
3. ضيافة الشاي
4. عادات رمضان و الاعياد أعداد الفطائر
5. توزيع الحلوي في المئاتم و الجنازات
6. تقوس الزواج و الاحتفال
و من أهم ما يميز الشعب التركي الكرم و الضيافة و اذا تم دعوتك كضيف و رفضت فادة بيكون فعل مكروه منك و بيثير مشاعر الغضب و الحزن عند الاتراك و لو رفضت الضيافة لازم تعتزر و تعطي اسباب أو تبرير عن سبب رفضك .
هنتكلم بقي عن عادات الزواج في تركيا و نظراً لأن نسبة عدد المسلمين في تركيا تقريباً 97.8% أغلبهم بينبع المذهب السني فاهم عندهم عقد القرآن بيتم عن طريق مأذون و بيتجوزو علي سنة الله و رسوله زي ما بيقولوا كدة بس اكيد عندهم الفلكلور الخاص بيهم في الجواز و عقد القرآن اولا مفيش عندهم حاجة اسمها مهر بس العريس بيجيب طقم ذهب و هو رايح يطلب يد العروسة و بيلبسها الذهب و أحياناً للعروسة بتطلب أنها تعمل حج مقابل الموافقة علي الزواج و دة بيكون جزء من الطابع الديني و لما بيلبس العروسين خواتم الزواج بتكون مربوطة بشريط احمر و الشريط الاحمر دة بيكون كارمز للربط الابدي بين العروسين الجلب السعادة بينهم و أثناء الفرح يجب علي الأهل و الأصدقاء أنهم يجيبو دهب للعروسة و يربطلها الذهب في الفستان أو يلبسونها الذهب و بيحطو شريط احمر علي خصر العروسة فخراً بعذيتها و
و اخر حاجة ازاي بيحتفل الاتراك بالاعياد و بيهنو بعض بالعيد ازاي بيهنو بعض بالعيد بأنهم يقولو لبعض iyi bayramlar معناها عيد سعيد أو الخير بعيدك و بيفطرو مع بعض و بيوزعو الهدايا و الالعاب و بعد صلاة العيد بيروح المقابر يزورو اهلهم و أقاربهم التوفاهم الله و في أيام العيد الثلاثة بيحتفلو بالعيد مع العائلة علي النطاق الواسع و دة بيكون عن طريق أنهم يزورو كل اهلهم و أقاربهم من أكبرهم: سناً لاصغرهم
و الاتراك كمسلمين مش بيحتفلو بأي اعياد غير الاضحي و الفطر و بيجهزو للعيد من قبلها بفترة عن طريق التسوق و اعداد الطعام الخاص بالعيد و الحلوي و تنظيف المنزل و من أهم الأشياء قبل العيد أن الأسرة كلها بتنزل عشان يجيب لبس العيد و اهم حاجة الاطفال مع اعتقادهم بأن العيد هو فرحة الاطفال و لو كانت الأسرة مادياً غير قادرة علي شراء ملابس جديدة بيختارو افضل حاجة تتلبس للعيد و بتكون نضيفة ومتعطرة و مش بتتلبس غير في العيد عشان ممكن تتلبس العيد البعدو عشان تفضل جديدة و عندهم بيت كبير بيجمع العائلة كلها و في الغالب البيت دة بيكون بعيد شوية عن المدينة ممكن يبقي بيت المصيف البيبي في قرية هادئة للاستجمام و الاستمتاع وبتجتمع العائلة كلها هناك و لو حد من أفراد العائلة مقدرش يجي لظروف خارجة عن إرادته لازم يتصل يعتزر أنه مش هيقدر يحضر لظروف خارجة عن إرادته و لازم يتصل يعتذر و يعايد جميع أفراد العائلة.
تعليقات
إرسال تعليق