اصل كلمة ترند

 كتبت / منار السيد

شوفت كذا ؟ لا 

ازاى بس ده ترند ومكسر الدنيا .

الترند كلمة منتشرة جدا بنسمعها كتير ، ولكن يمكن معظمنا مفكرش فيها قبل كده .

كلمة ترند أصبحت من الكلمات المنتشرة والمشهورة جدا علي السوشيال ميديا ، ومش بس السوشيال ميديا ، لكن كمان منتشرة في حياتنا اليومية بنرددها باشكال مختلفة ، زى طريقة لبس معينة ، أو موضة جديدة مثلا ،أو ممكن ذوق مختلف فى الموسيقى ولكنه جديد ، أو قصات شعر مختلفة شوية ومش معتادة وغيرها من أشكال كثيرة ، و يمكن تكون غريبة ومختلفة .  

 ولكن ايه هو الترند؟ .. ببساطة يا صديقي الترند هو الحدث الأكثر شهرة و اللي بيثير انتباه فئات متعددة من المجتمع . 

زى ترند عامل النظافة و صاحب كشرى التحرير اللي انتشر من فترة ، و حاز على تعاطف الكثير من الممثلين و الناس ، و بنفس الطريقة  بنلاحظ أن معظم الممثلين والفنانين ممكن يختلقوا مواضيع غير حقيقية لمجرد جذب الجمهور وتعاطفهم. 

 والترند الجديد اللي شغل اهتمام مستخدمي السوشيال ميديا على مدار الساعات اللي فاتت وهو فيديو سقوط الفنانة شيرين عبد الوهاب في حفلة دبي الفيديو اللي  حصد ملايين المشاهدات ، وبالرغم من أنه موقف ممكن يتعرض له أي شخص ، ولكن مستخدمي السوشيال ميديا تداولوا الفيديو بشكل سريع  مع التعليقات اللائقة  والسخرية من البعض أيضا، وانتشر الفيديو إلى أن أصبح الترند الحالي لشيرين يكتسح مواقع التواصل الاجتماعي. 

كما انتشر أيضا ترند جديد من نوع آخر على سبيل الضحك و الفكاهه وهو ترند الأرقام واللي فيه كل رقم بيكون له تعبير معين و دلالة خاصة بكل رقم على عبارات معينة ، و انتشر في خلال الساعات القليلة ترند جديد وهو الأحدث حاليا على السوشيال ميديا بنفس طريقة الأرقام ولكن هو ترند الفاكهة اللى بيعبر عن حالتك الإجتماعية ولكن بشكل مضحك ومسلي  وهو أن فاكهة الكمثرى بتعبر على  انك شخص عازب و لكن فاكهة المانجا بتدل على أنك شخص مرتبط ممكن يكون ترند غريب أو مختلف ولكن بالتاكيد الهدف منه هو الهزار و التسلية .

و تختلف الترندات في قوتها و قوة انتشارها و كمان تأثيرها فى الناس زى ما في ترندات سلبية كمان في ترندات ايجابية بتسيب أثر جميل فينا لازم نهتم بنشرها.