هنعمل النهاردة كيكة اللى كسرت الدنيا الفترة اللى فاتت وهى القشطوطه
كتبت / ندى أشرف
-اولا المقادير: ٤بيضات
كوب ونصف من السكر
نصف كوب من الزيت، نضرب الخليط مع بعضه لحد ما اللون يفتح ، وبعدها نضيف ٢كوب من الدقيق، معلقتين صغيرين من البيكنج بودر، ونصف ملعقة ملح ، ونقلب لحد ما الخليط يكون سميك وبعدها نضيف حبة
فانيليا.
_ ثانى خطوه : نحتاج ٦معالق من الزبدة كوب من الحليب، نرفعهم على النار حتى الغليان، وبعدها ننزل بيهم على الخليط وهما سخنين عادى جدا ونديهم تقليبه وبعدها ننزل بيهم فى صنيه ويفضل انها تكون مقاس ٢٤ ، بعدها ندخلها الفرن على درجة حرارة ١٨٠.
_ ثالث خطوه : بعد ما نخرج الصنيه من الفرن نبدا تقشير الكيكه من فوق ونسيبها لمدة من ١٠ الى ٥ دقائق ، وبعدها نبدا ان نجهز التسقيه ، هنحتاج ٤كوب من الحليب ، نصف كوب لبن بودرة ، ربع ملعقة من الفانيليا ونقلبهم كويس.
_ رابع خطوه : هنجيب باكيت من الكريم شانتيه ، وننزل عليه بماء مثلج لحد ما الكريمه تتقل خالص
وبعدها نفردها على سطح الكيكه من فوق ونسويها كويس جدا وندخلها الثلاجه لمده ربع ساعه على الاقل على ما نجهز الكراميل بتاعتنا ، هنضيف معلقة سكر ، في كوب على جنب نحط نصف الكوب ماء وهدوب فيها نصف معلقة من النشا ، وبعدها نكرمل الكراميل على النار ، وبعدها ننزل عليه بنصف ملعقة زبدة ، وبعدها كوبايه ماء بالنشا، وبعدها ننزل عليها بكوب من الحليب ، ونفضل نقلب لحد ما يدوب خالص وبعد ما يهدى بنزل بيه على سطح الكيكة، وبعدها اذوق اى شكل بالكريمة ودى خطوه اختيارى زى ما تحبى .
( بالهنا والشفا على قلوبكم ياحلوين)
تعليقات
إرسال تعليق