كتبت:- منار السيد و هبة عادل
طبعا كل عيد كلنا بنكون مستنين فيلم جديد يطلعنا من ضغط شغلنا و الدراسة، ولأن اهتماماتنا مختلفة ،فكل ممثل بيكون حريص أنه يقدم محتوى مختلف في كل عمل بيقدمه.
فيلم البعبع بطولة أمير كرارة ، ياسمين صبري، باسم سمرة ، محمد عبد الرحمن ، محمد محمود ،هشام الشاذلي، محمد عبد العظيم، رحاب الجمل ، محمد أنور
وهو فيلم ينتمي لنوعية الأكشن الكوميدي ، إخراج حسين المنباوي، تأليف إيهاب بلبيل.
و تدور أحداث الفيلم حول مجرم تم الإفراج عنه " سلطان" ، و يقوم بعد خروجه من السجن بعملية تسليم آثار، ولكنه يغدر بالتجار ، و يأخذ الآثار و الأموال و يخطط بعدها الهروب خارج مصر، إلى أن يحدث ما لم يكن في الحسبان و يفاجئ بظهور أبنائه في منزله القديم ، وهو لم يعلم عنهم شئ منذ ولادتهم ، و يضطر الهروب بهما أثناء هجوم احدي العصابات عليه ، بينما تجسد ياسمين صبري شخصية طبيبة صيدلانية وتدور الأحداث في إطار كوميدي مضحك.
ملخص الفيلم اللي تم عرضه في عيد الاضحى المبارك فيلم مناسب لكل العائله فيلم ميكس بين كوميدي و اكشن طبعا اللي شارك فيه الفنان محمد أمير كراره و محمد عبد الرحمن ومحمد انور و البطله اوي الفنانه ياسمين صبري مع ثنائي الاطفال اللذيذ والفنان باسم سمره ومحمد محمود.
نبدأ ملخص قصه الفيلم
عباره عن امير كراره واحد لسه طالع من السجن حالا بيتورط مع رئيس عصابه اللي هو باسم سمره اللي بيقولوا لو نفذتلي مهمه معينه هتقدر تاخذ فلوس كثير وتستقيل ولكن بتحصل مشاكل كده وبيضطر يهرب منه وفي طريقه بيلاقي على باب بيته طفلين اخ واخت والاثنين بيكونوا بالصدفه البحته وبيعرف ان الاثنين دول ولاده وامهم خلفتهم قبل ما هو يدخل السجن و ما قالتلوش خلفتهم فبيتورط معاهم وهو ماشي في رحلته فبيقابل ياسمين اللي يعتبر دوره مكنش محواري ف الفليم لكن دي ياسيمن فوقق راسنا (انا بحبها)
سلبيات الفليم البعبع
انه الفيلم كان طويل جدا رغم اللي هو في السينما ساعتين الا ربع مش طويل في الافلام اللي في السينما ولكن حسوا ان المشاهد كانت بتتكرر والافهاء بتتكرر ونفس الحركات
...ولكن الحاجه الوحيده اللي انقذتهم في الفيلم ده او اللي خلت معظم المشاهدين يكملوا هو محمد عبد الرحمن ان المخرج قدر يستغلوا في النص التاني من الفيلم واستغلوا صح محمد عبد الرحمن شاطر عارف يوفق بين الكوميديا والاكشن في الفيلم اللي قدر يعمل ريفريش للكوميديا اللي كانت موجوده في الفيلم اللي كان ماسكها ساعتها باسم سمره باسم سمره حلو في الكوميديا ولكن عبد الرحمن نجم الجيل فقدر يخطف من الاضواء.
بالاضافه ان كان لازم برضو يستغلوا محمد محمود لانه في الكوميديا اشطر كوميدي
وامير ما يتوصاش في الاكشن بيادي نفس النوع الاكشن اللي بيتعمل في اعماله زي كلبش وكازابلانكا وكتير من اعماله اللي ظهر فيها الاكشن بس ولكن ظهر المره دي على جديد نوع من الاكشن والكوميديا واللي كانت تركيز عليه كبطل اساسي للفيلم.
وكذلك باسم سمره اللي ما توصاش في الجمل تحت مسمى العشوائيه ولكن مع نجم برضو المتالق محمد انور اللي قدر يعمل كيميا حلوه جدا مع امير كراره في المشاهد اللي ظهر فيها فهو يعتبر النجوم الصاعده اللي قدر يخلق كارير خاص به
لكن الفيلم يكمل تركيزه على اكشن كوميدي طفولي لانه بيركز على الطفل بالذات اللي كان مع امير اللي كان عاطي جو حلو اوي من الكوميديا والضحك والطفوله وموجه بنسبه كبيره للأطفال و نصيحه ادخلو يجماعه
وقد حقق فيلم البعبع إيرادات غير متوقعه 25 مليون و 500 ألف خلال 11 يوم فقط من العرض ؛ ليعود أمير كرارة للسينما بعد غياب 3 سنوات كاملة و حاز الفيلم على إعجاب المشاهدين بشكل كبير ما بين منافسيه من الأفلام الأخرى.
تعليقات
إرسال تعليق