"الذكاء الاصطناعي و تطوره"

كتبت: نورهان مسعد

الذكاء الاصطناعي تطور بشكل كبير و ملحوظ خلال الفترة الاخيرة. بقى بيعمل و بيحل مهام معقدة و زمان كانت تعتبر مستحيلة اساسا، بيتم استخدام الذكاء الاصطناعي في مجموعة متنوعة من المجالات و اللي الكل متفق عليه إن الذكاء الاصطناعي مش هيقف على كدا وبس لا ده هيستمر في التطور و التأثير اكتر على العالم في السنين الجاية.

(Midjourney) اول موقع هنتكلم عنه اسمه 

و ده بيقدر يرسم خيالك بالمعنى الحرفي، بمعنى انك بتدي أوامر كتابية للسوفت وير و هو بيجيبلك الصورة بضبط فيها كل المواصفات اللي انت طلبتها.

(Synthesia) الموقع الثاني اسمه

وده بتكتبله كلام و بيخلي بني ادم بالذكاء الاصطناعي يقول الكلام اللي انت كتبته.

 

(DALL E 2) الموقع الثالث اسمه

  بيخليك تقدر تمسح اي حاجة  

في الصورة و تحط اللي تحبه، وده مفيد جدًا لل (Editors)، يعني مثلا لو انت مقدم على شغل و عايز تحط صورة في C.V تكون بلبس فورمال و معندكش وقت تتصور كل اللي عليك انك هتجيب اي صورة ليك و هتحدد على التيشيرت اللي انت عايز تشيلوا 

 وهتكتب في خانة الوصف “Black business suit “

 وبس كدا المشكلة اتحلت.

(Elevenlabs)الموقع الرابع و الأخير 

ده بيعمل نسخة من صوتك و لما تحب تعمل اي فيديو بعد كدا كل اللي عليك انك تكتب الكلام اللي حابب يتقال و هو هيقوله بصوتك.